EN 
نشرت الفنانة نجلاء بدر، تعليقا عبر صفحتها على موقع التواصل الاجتماعى فيسبوك ترد فيه على اعتذار الفنانة عارفة عبد الرسول لفريق عمل عرض مسرحي.
وقالت نجلاء بدر: “كده كتير والله بتتأسفي على نيتك الصافية وخفة دمك، ده أنا اللي فكرت في صحتك وخُفت عليكي، الإنسانية راحت فين حاجة تحزن”.
ونشرت الفنانة عارفة عبد الرسول، تعليقا عبر صفحتها على موقع التواصل الاجتماعى فيسبوك تعتذر فيه عن هجومها على أبطال مسرحية فضلت عدم ذكر اسمها.
وقالت عارفة عبد الرسول : “أنا حزينة وفي شدة الألم، عارفين البوست اللى كتبته عن المسرحية المحسودة والإسهال ومش عارف إيه.. زملائى زعلوا منه جدا وافتكروا إنى بتريق على المسرحية اللى لسه مشوفتهاش، أنا آسفة جدا حقكم على راسى من فوق، أصلا النية خير ومافيش أبدا اللى يخلينى اتكلم وحش عن العرض.. أنا لسه مشوفتوش، آسفة بجد إن النكتة أو الإيفية ماوصلش بالمعنى اللطيف ووصل بالشكل ده.. آسفه واما أجى احضر هعتذر لفرد فرد.. أنا مش حاشيل البوست لسببين: متعودتش أقول كلمه وارجع فيها، وثانيا يمكن أصحابى يشوفوه تانى ويحاولوا يلاقوا النكتة اللى قلبت غم.. آسفه فى غاية الأسف”.
دكان والد عارفة عبد الرسول
وكان قالت الفنانة عارفة عبد الرسول، إن والدها كان يمتلك دكانا، و"كان يفترش أمامه ويصنع الكعك في أيام شهر رمضان".
وأضافت خلال لقاءها في برنامج “قط و var” على نغم إف إم والبرنامج من تقديم عماد إسماعيل: “ بحب جدا ورقة اللحمة اللى كان بيعملها والدي يوم جازته، و كنت بحب مشاهدة فوازير نيللى و بحفظ الفوازير و كنت بحب اسمع مسلسلات الاذاعةُ زي ( رضا بند ) لمحمد رضا و صفاء أبو السعود”.
وعلى جانب آخر قالت: “ كان نفسى أجسد شخصية سناء جميل و مشهدها مع عمر الشريف و هى تواجهه بالحقيقة انه كان بياخد منها فلوس فى فيلم ( بداية ونهاية ) وينتهى المشهد بمحاولتها للانتحار”.
