شريف منير لمحمد نجاتى: حصل لى كده ومكالمة عادل إمام أعادتني للحياة

نشر الفنان شريف منير تعليقا عبر صفحته على موقع التواصل الاجتماعى فيسبوك يرد فيه على فيديو محمد نجاتي الذى يلمح قيه بالاعتزال. 

وقال شريف منير : أنت صادق في كل كلمة بتقولها.. وردك عجبني جدا.. محترم هادي مؤدب.. كل الناس عارفين إنك فنان موهوب.. وأنا حاسس بكل كلمه أنت قولتها.. بس يا نجاتي في سيناريو رباني بيحصل فجأة وتبقى غير متوقعه.. وتلاقي الدنيا فتحت فجأة من حيث لا تحتسب.

وتابع: حصل لي كده في فيلم عريس من جهة أمنية.. الدنيا كانت ضلمة وفجأة لقيت الأستاذ عادل إمام بيكلمني.. وكل شيء اتعدل.. لا تقلق، هتيجي وهتنبسط بعد ضيق.. بس ابقى افتكرني.. ربنا معاك وينصرك.

محمد نجاتى

وجه الفنان محمد نجاتي رساله لأحد الكُتاب بعد مقارنته بزميله الفنان أمير كرارة، حيث أشار الكاتب إلى أن الأخير أصبح لا يلاحق على العمل على عكس نجاتي.

وعبر  محمد نجاتي عن استيائه الشديد، من المنشور ونشر مقطع فيديو عبر حسابه الخاص بموقع انستجرام، قال فيه: أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور.

واوضح "عاوز أقول إني ما كانش ليا دخل في ترشيحي لمسلسل محمود المصري، مع محمود عبد العزيز، ترشيحي جاء من خلال مدحت العدل وهو حي يرزق يسأل.

وأضاف: بالنسبة للبوست اللي اتقال فيه شوف كرارة فين ومحمد نجاتي فين، دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الممثلين وأتمنى أشارك فيها، ولكني مضطر اشتغل حاجات علشان أكمل بقيت حياتي لأن عندي التزامات.

واختتم محمد نجاتي حديثه: مش مبسوط بالحاجات اللي بقدمها وأحيانا بضطر أقبل حاجات مش راضي عنها علشان أقدر أكمل حياتي وإذا كانت الوضعية دي مضايقة ناس ممكن اعتزل واريحكم كلكم مني وتبقى نهاية الحكاية.