هاني رمزي يكشف كواليس لأول مرة عن «غبي منه فيه».. ما علاقة عادل إمام؟

كشف الفنان هاني رمزي عن وجود الزعيم عادل إمام خلال كواليس تصوير فيلم “غبي منه فيه”، عبر حسابه الشخصي بموقع التواصل الاجتماعي “تويتر”.

وكتب هاني رمزي في تويتة له: “عايز اقولكم على سر محدش يعرفه.. فيلم غبي منه فيه من الافلام الاقرب لقلبي لان الزعيم عادل امام كان حاضر تصوير الفيلم كله و ده لأن الفيلم كان من اخراج ابنه المخرج الموهوب رامي امام”.

وتابع في تويتة أخري: “حاجة كمان، المشهد الشهير ليا مع المرحوم طلعت زكريا بتاع التخطيط للمهمة، احنا كنا اتفقنا اننا هنلغي المشهد ده بالكامل من الفيلم والزعيم عادل امام هو اللي اصر ان المشهد يفضل موجود لأنه على حسب كلامه مشهد حلو وهيجيب ضحك كتير، وقد كان بالفعل.. ربنا يخليلنا الزعيم ويطولنا في عمره يارب”.

يُشار إلى أن فيلم غبي منه فيه عرض عام 2004، وشارك فيه إلى جانب هاني رمزي كل من الفنان الراحل حسن حسني، والراحل طلعت زكريا، والراحل سعيد طرابيك، سامي مغاوري، نيللي كريم، عبدالله مشرف، فايق عوب، وغيرهم، وهو من إخراج رامي إمام، وتأليف أحمد عبدالله.