EN 
اطلعي البيت أختي عايزاكي .. في تلك اللحظة انتهت حياة طفلة بريئة قبل أن تبدأ لم تكن تعلم ما يدبر لها على يد شقيق صديقتها لهتك عرضها وانتزاع البراءة منها لإرضاء شهوته الجنسية وإطفاء النيران التي أوقدها الشيطان بداخله تروي الفتاة خلال التحقيقات ما حدث معها قائلة .. انا عايشة مع والدي وإخواتي لان هو منفصل عن والدتي من فترة كبيرة.
اطلعى فوق عشان أختي عايزاكى
كنت رايحة أجيب فطار لقیت جاري " المتهم" واقف في مدخل بيته لأن هو جارنا وأعرفه شكلا بس مكانش فيه أى تعامل بيني وبينه لقيته بيقولی اطلعی فوق عشان أختي عايزاكى وهي كانت معايا في المدرسة فا انا طلعت معاه الدور الثاني والبيت دا كله بتاعهم لقيته بيقولى ادخلى الشقة دى أختي مستنياكي جوا فا أنا دخلت وأول لما دخلت زقنى على الأرض ومسك ايدي وانا كنت لابسه قلعنى الجيبة وراح شدها مرة واحدة وحط ايده على بوقي عشان ماصوتش.
علاقة بغير رضاها
بعد كده ضربني قلمين ومارس معي علاقة بغير رضايا حوالي خمس دقايق وبعد كده قالى قومى البسى واوعى تقولى لابوكي وامك وروحت البيت لقيت فيه دم نازل وبعد كدا استحميت ونمت وكان كل لما يشوفني في الشارع يقولى هفضحك لو قولتي لحد هموتك وانا كل دا كنت خايفة و عشان كده مابلغتش وامبارح امی شافتنی قالتلی مالك آنتي خاسة ليه تعالى اودیکی المستشفى ورحنا مستشفى الهرم الدكتورة كشفت عليا وقالتلى انتى حامل في الشهر الثامن وانا حكيت لوالدتى كل حاجة وروحنا وعملنا محضر.
تحقيقات نيابة جنوب الجيزة
وباشرت نيابة جنوب الجيزة التحقيقات وأمرت بإحالة المتهم إلى المحاكمة الجنائية لاتهامه بخطف المجني عليها بالتحايل مستغلا حداثة سنها بأن اصطحبها لمسكنه ، قاصداً إبعادها عن أعين المارة وذويها وإبعادها عن بيئتها الأمنة تمهيداً لارتكاب جريمته وقد اقترنت تلك الجناية بجناية أخرى ألا وهي أنه في ذات الزمان والمكان:
هتك عرض المجني عليها الطفلة بغير رضاها بالقوة أو تهديد بان أوهمها برغبته في الزواج منها مستغلا حداثة سنها.
