EN 
نشر الحساب الرسمي للإعلامية لمياء فهمي عبد الحميد، منشورا عبر موقع التواصل الاجتماعي فيسبوك، أكد من خلاله تعرضها لوعكة صحية مفاجأة ونقلها إلى أحد المستشفيات.
وشارك حساب لمياء فهمي عبد الحميد -عبر فيسبوك- منشورا لصفحة أهل الميديا، تضمن ما يلي: «نقل الإعلامية لمياء فهمي عبد الحميد إلى المستشفى بعد تعرضها لوعكة صحية، وأهل الميديا تتمنى لها الشفاء العاجل».
وكتب الإعلامي شريف مدكور، منشورا لصديقته الإعلامية لمياء فهمي عبد الحميد -عبر فيسبوك- قال فيه: «الف الف سلامه .. ان شاء الله تقومي و تبقي زي الفل».
ولك تكشف الإعلامية لمياء فهمي عبد الحميد، أو أي من أقاربها، تفاصيل الوعكة الصحية التي تعرضت لها، وتطورات حالتها الصحية.
أحدث لقاءات لمياء فهمي عبد الحميد
من جهة أخرى، قالت المذيعة لمياء فهمى عبد الحميد عن والدها المخرج فهمي عبدالحميد، ان طقوس بابا فى رمضان كانت الفوازير و ألف ليلة و ليلة و التليفزيون كان بيته الأول و الأخير وجوده فى البيت كان قليل جدا كنا احنا اللى بنرحله لما نحب نشوفه.
جاء ذلك خلال حوارها لبرنامج اللمة تحلى الذي يذاع علي شعبي اف ام والحلقة من تقديم شيماء السباعي.
وأضافت طلعت فى اوبريت قمر يا قمرنا و ابريق الشاى و حاجات تانية بس فكرة وجودى فى أغاني الأطفال عنيت فيها كتير عشان بابا يوافق، و حضرت كواليس فوازير فطوطة و هو بيقول انستونا و عملت الرقصة اللى فى الفزورة و كان بيبقى عندى حالة انبهار من اللى بشوفه.
وعلقت على اختيار والدها للفنانين بأنه كان بياخد رأينا فى كل حاجة زى الأبطال بتاعت الفوازير و الف ليلة و ليلة و لما قال على شريهان كانت لسة ممثلة قولناله ازاى قال انتظروا شريهان فى رمضان هتبقى عاملة ازاى، ورشحت صابرين للفوازير وروحت مع بابا الماريوت وهو رايح يقابلها و اتفرجت عليها و رشحتها لأني بحبها أوي .
وتابعت الفوازير منطقة خطر شوية و كانت فترة و انتهت و لو اتعملت الأيام ديه مش هيبقى فيه انبهار زى زمان، و مش محتاجين يتعمل عمل عن بابا و عمرى ما فكرت فى ده و مش شايفة حد ممكن يعمل دوره، واخر حلقة فى فوازير فنون بابا كرم كل النجوم اللى اللى اشتغل معاهم فى الفوازير.
وعلقت عن برنامجها التليفزيوني انه برنامج واخد طابع دينى اجتماعى و لو حاولت اخرج منه برجعله تانى، و معرفش اقيم نفسى لأن أنا طول الوقت بنتقد نفسى وده واخداه من بابا.
