مفيدة شيحة: ترند فرح سنية انتشر بشكل لافت على السوشيال ميديا

خصصت الإعلامية مفيدة شيحة، في برنامج الستات، المذاع عبر قناة النهار وان، اليوم الثلاثاء، فقرة عن مشهد فرح سنية في مسلسل لن أعيش في جلباب أبي، حملت عنوان "وجوه مختلفة لفرح سنية". 

مفيدة شيحة: التدخل في الحياة الخاصة للمشاهير مرفوض تماما

وخلال الفقرة قالت مفيدة شيحة: "مسلسل لن أعيش في جلباب أبي، عرض في شهر رمضان عام 1416 هـ الموافق 21 يناير 1996م، وفي شهور الحظر سنة ٢٠، وانتشر ترند فرح سنية بشكل ملفت على سوشيال ميديا.. ودا اللي خلى المتابعين الأوفياء والمخلصين القدامى لمسلسل لن أعيش في جلباب ابي يندهشوا من إعجاب كل الناس بلا استثناء يذكر بالمسلسلات اللي اتريقوا علينا سنين لإخلاصنا للفرجة والاعادة كل مرة.. جمعنا لكم مجموعة من أظرف وأذكى التعليقات والبوستات". 

فرح سنية 

وأضافت مفيدة شيحة: "من ضمن البوستات وقتها كتبت الصحفية عاليا عبد الرؤوف، دلوقتي بقيتو مستنين حلقة عبد الغفور البرعى، وبقالنا ٢٤ سنة بنتفرج عليه مرة في السنة على الأقل وكنتوا بتتريقوا علينا وتبصوا لنا من فوق لتحت.. دلوقتي كلكوا قعدتوا استنيتوا فرح سنية!!  بعد الحظر ومسلسلات رمضان عرفتوا ان كان عندنا حق. 

وأكملت مقدمة برنامج الستات: "خلاص من النهاردة احنا اللي هنعمل ترشيحات المشاهدة احنا بتوع روتانا زمان وبانوراما دراما.. احنا البريمو".