EN 
عبرت الإعلامية مفيدة شيحة، عن عميق تقديرها واحترامها للجيل الذهبي لماسبيرو، مؤكدة أن هذا الجيل له أثر كبير في نجاح ماسبيرو في بدايته.
وأضافت مفيدة شيحة، في برنامجها الستات، المذاع عبر قناة النهار وان، اليوم الإثنين: "دايما لما بتيجي سيرة الإعلام بنحن للكلام عن الجيل الذهبي لماسبيرو، اللي مش بس كان سبب في النجاح والتأثير الكبير للتليفزيون المصري في أنحاء الوطن العربي، ولكن كمان كان القدوة والنموذج لأجيال تانية حبوا الإعلام وحملوا الراية من بعده".
وتابعت مفيدة شيحة: من رموز ماسبيرو اللي ليهم بصمة كبيرة في حياتنا مش بس على الشاشة، الإعلامية القديرة فريدة الزمر، اللي نفتكرها ببرامج كتير زي مع النجوم والنادي الدولي وذاكرة ماسبيرو وكلمة حق، غير تجربتها المهمة في إذاعة مونت كارلو".
وأكملت مفيدة شيحة: "فريدة الزمر، مدخلتش الإعلام صدفة، دا كان حلمها من الطفولة، وسبقها للشاشة أخوها الإعلامي الكبير الراحل فايز الزمر، واللي زي ما كان قدوة ليها، كانت هي قدوة لبنتها الإعلامية الجميلة هند رشاد، واللي كملت مسيرتها مش بس على الشاشة، ولكن كمان في مجلس النواب".
فريدة الام وهند الابنة
وتابعت مفيدة شيحة: "فريدة الأم وهند الابنة جيلين اختاروا نفس الطريق، لكن مريم الحفيدة كان عندها رأي تاني، ورفضت إنها تعيش في جلباب الأم والجدة".
