EN 
قالت الإعلامية ياسمين عز، إن الفنانة أصالة تتعرض لموجة من الهجوم غير المبرر من البعض بعد نشرها صورة وهي تقبل يد زوجها.
وأضافت الإعلامية ياسمين عز، خلال تقديمها برنامج "كلام الناس" المُذاع عبر فضائية "إم بي سي مصر": "الفنانة أصالة تعرضت لهجوم كبير والبعض قال لها عصر سي السيد انتهى وبكره تندم يا جميل وهيعمل فيكي زي اللي قبله عمله، وكلام صعب وتعليقات مينفعش أقولها على الهواء".
وأشارت: "فيه واحدة كتبت تعليق للفنانة أصالة نصري تقول لها بتبوسي إيده على أيه دا مفيش راجل يستاهل"، مؤكدة: "فيه رجالة كتير تستاهل وحنينة، وكفايا تحاكموا الناس على مشاعرهم وتوجهاتهم".
الست مش ملزمة
وتساءلت: "ايه اللي يضايقك أن واحدة تحب زوجها وتعبر عن حبها له بهذه الطريقة، هل عيب أن الست تبوس إيد زوجها؟"، لافتة: "ليه أما يحدث العكس أن الراجل هو الذي يبوس يد زوجته نقول أنها طريقة شيك، لكن أما الست تعملها تبقى مش ملزمة وكارثة".
وأكدت: "الحركة فيها كل معاني التقدير والحنية اللي في الدنيا، لأن الإيد اللي بتبوسيها هي الإيد اللي بتسندك أما تقعي والإيد اللي بطبطب عليكي في الحلوه والمرة، مش عيب ولا حرام".
وفي سياق آخر، أكدت الإعلامية ياسمين عز، أن هناك قضية مهمة تؤثر على استقرار الأسرة المصرية وهي أن حماة الزوجة يكون معها مفتاح شقة الزوجية، مما يسبب المشاكل الزوجية بين الزوج والزوجة نتيجة ذلك.
وقالت ياسمين عز، أن الأمر في بعض الأحيان تعتبر ذلك تدخل في حياه الزوجة الخاصة، وخصوصية بعض الزوجات.
وعلقت ياسمين عز: “ايه المشكلة لما تكون حماه الزوجة معاها مفتاح شقتك لأنها مثل أمك الثانية، وده أمان ليكي ولو والدة الزوجة هي اللي دخلت البيت هيبقى عادي بالنسبة لك”.
وأردفت ياسمين عز: “انتى اتجوزتي ابنها وهي زي امك ايه المشكلة لما يكون معاها مفتاح شقتك”.
وقدمت ياسمين عز نصائح للزواجات للتعامل مع حماتها قائلة "قولي حاضر ونعم هي بتريح، وسيبيها تفتش دولابك هي مش هتشوف لبس ليلى علوي، وحماتك هتشيل البيت واستفيدي انه يكون معاها مفتاح شقتك".
