EN 
لازالت أخبار عامل النظافة صاحب واقعة الكشري تتصدر التريند المصري ومحركات البحث في جوجل خاصة بعد طرده من لوكيشن تصوير فيلم التاروت لسمية الخشاب ورانيا يوسف، لكن الساعات الماضية شهدت واقعة جديدة له أثارت الجدل.
تداول رواد مواقع التواصل الاجتماعي خلال الساعات القليلة الماضية عددا من الصور لصاحب واقعة الكشري وهو داخل مقر شركة انتاج شهيرة ويظهر وهو يوقع على أوراق قال البعض أنها أوراق عقد جديد له كمذيع راديو منضم لتلك الشركة.
كدا كتير.. شباب إعلام مش لاقيين شغل
وعلق بعض المتابعين على فيسبوك "لا كدا كتير علينا بصراحه ومش قادر ارد عشان الرقابة، بس كفاية بقى عشان تعبنا"
وعلق اخر "اومال شباب الجامعات وخرجيين اعلام اللى مش لاقيين شغل يعملو اى "
وقالت ثالثة معلقة على الخبر "حضرتك أنا ف اعلام اهو ومش عارفه ابقى مذيعة اروح ابيع كشري طيب !"
وتفاعل المئات على انتشار الخبر مستنكرين تلك الضجة التي أثارها صاحب واقعة الكشري، كما استهجنوا ما تقوم به شركات الانتاج من البحث على التريند فقط.
انتش واجري
وسابقا تداول رواد السوشيال ميديا فيديو يجمع صاحب “انتش وأجرى” ومحمد عادل الشهير بصاحب “واقعة محل الكشرى” برفقة عصام شعبان عبد الرحيم.
وعلى الرغم من دعوة منتج العمل لعامل النظافة لحضور التصوير وعيد ميلاد مي سليم إحدى بطلات الفيلم، إلا أن الجميع رفض وجوده داخل اللوكيشن وتم طرده.
سمية الخشاب تطرد عامل الكشري
ونشر موقع صدى البلد فيديو للفنانة سمية الخشاب تنفعل على الحضور فور معرفتها وجوده داخل اللوكيشن، ورفضت الاحتفال بعيد الميلاد مع مي سليم، إلا بعد خروج صاحب واقعة محل الكشري من اللوكيشن.
وتظهر سمية الخشاب في الفيديو وهي تصرخ في وجه المصورين تاركة اللوكيشن بسبب هذا الشخص ولم تدخل مرة أخرى إلا بعد معرفتها بمغادرته للمكان.
بنى آدم مش سالك
بينما نشر مؤلف فيلم التاروت تفاصيل الواقعة قائلا "وكتب عبر حسابه على فيسبوك:"شهادة حق أحاسب بها أمام الله :- أنا مؤلف فيلم التاروت، ومفيش نجمة أو نجم من نجوم الفيلم طردوا الشخص اللئيم اللى اتعرف باسم (عامل الكشرى) من اللوكيشن نهائيا، ده محصلش خالص، ده حرفيا اقتحم اللوكيشن، ومفيش شخص عنده كرامة واحترام لنفسه يقتحم لوكيشن (يعنى البيت بتاع كرو العمل من غير عزومة).
وأضاف مؤلف فيلم التاروت، «ده بنى آدم مش سالك ومش غلبان ولا نيلة - خاااالص- ويمتلك كهن ولؤم مشفتهومش فى حد، أنا رفضت أنه يتصور معايا، ولو عندى تعاطف مع حد فى الترند البائس ده فا كامل تعاطفى مع الموظف اللى قاله يستنى بره المحل، وكنت حابب أعزمه على أكلة كباب وكفته، وربنا يرحمنا برحمته من الترندات الشمال دي"
