EN 
تحدث مصطفى يونس، نجم النادي الأهلي السابق، على عدم دعوته لتجمع رموز النادي الأهلي للتواجد في فرع النادي بالتجمع الخامس من قبل مجلس إدارة اقللعة الحمراء برئاسة محمود الخطيب.
وكان محمود الخطيب، رئيس النادي الأهلي، قد وجه يوم الإثنين الماضي، الدعوة لعدد من اللاعبين القدامى، من أجل التواجد في فرع النادي بالتجمع الخامس.
وقال مصطفى يونس، في مداخلة هاتفية عبر فضائية “إم بي سي مصر”: “أنا لعبت 15 سنة في النادي الأهلي، وأكثر لاعب لعب مباريات والأقل غيابًا عن المباريات خلال الـ 15 سنة”.
وأضاف: “جزئية إننا نتعزم أو منتعزمش دي بتاعتهم هما، بالتأكيد كنت أتمنى أكون موجود في تلك المناسبة، أنا عاوز النادي الأهلي يبقى أحسن نادي في الدنيا، أنا قرأت خبر إنه بدأ العمل في بناء استاد الأهلي، ده أسعد يوم في حياتي".
وواصل: بعد نجاح محمود الخطيب في انتخابات الأهلي في الدورة الأولى، قولت له (أنت لو عملت استاد الأهلي كفاية عليك، إحنا البطولات لو ملعبناش 20 سنة في الدوري هنفضل رقم 1، ووعد مني هنعمل حملة إن الاستاد يبقى اسمه استاد محمود الخطيب".
وأكمل: “الخطيب أسطورة من أساطير كرة القدم، نختلف نتفق، فهو أسطورة، محمد صلاح، خارج المنافسة هو لاعب عالمي، وأنا أتحدث في الشأن المحلي، اللي مشافش الخطيب وهو بيلعب كورة مشافش كورة، وأنا طول عمري بقول عليه كده، وأنا بلعب معاه مكنتش بلعب معاه، أنا كنت بتفرج عليه وأنا بلعب معاه، ولكن إحنا مختلفين في الإدارة، ممكن أبقى صح وممكن أبقى غلط".
