EN 
عرض الإعلامي شريف عامر، مشهدا خلال مشاركته برامز جلال "رامز نيفر إند"، وهو المشهد الذي لن يعرض على الشاشة في شهر رمضان.
ويظهر الفيديو مشاركة الإعلامي شريف عامر في تجربة "مقلب الغسالة"، في برنامج "رامز نيفر إند".
وعلق الإعلامي شريف عامر، على وقوعه ضحية بالبرنامج، قائلا: "أنا مكنتش ضحية أنا كنت التجربة".
وقال الإعلامي شريف عامر، خلال تقديمه برنامج "يحدث في مصر"، المُذاع عبر فضائية "إم بي سي مصر"،: "أنا كنت التجربة والضحية اللي بيجربوا عليها قبل ما يستضيفوا ضحايا جديدة"، مضيفا: "رامز كان رافض يقول لي أي شيء".
وأضاف: "محدش رضي يقولي أي حاجة ولا حد غششني حاجة"، لافتا: "فيه حد من الزملاء قالي الأفضل أنك تقلع النضارة يا شريف"، لافتا: "أنا فيصت جدا وتعبت لكن على الأقل أنا عافرت وقولت هعمل زي ما رامز يعمل، وأخدت خبطتين صح".
وأشار: "مكنتش أعرف أن الغسالة دورتين، وخدت خبطتين صح"، موضحا: "اللي أنا معجب بيه جدا في الضحايا أنهم بيقدروا يكملوا بعد المقلب ويتخانقوا مع رامز، لأن رامز وهو بيكلمني مكنتش حاسس بحاجه، كنت عمال أكشف ع نفسي واتأكد أن ضهري سليم".
وأوضح الإعلامي شريف عامر،: "أنا اللي قولت لهم حوا مخدات على الحيطة، الضحايا المفروض يدعولي، لأن الحيطان مكنش عليها حاجه أنا اللي قولتلهم لازم نحط مخدات".
