EN
انقلبت وسائل التواصل الاجتماعي رأسًا علي عقب بعد مداخلة هاتفية من سيدة خلال البرنامج التي تقدمه الإعلامية مروة عزام، لتروي لها عن قصتها وأنها تسببت في وفاة أختها بسبب الحسد لأنها كانت دائما تغير منها ومن النعم الموجودة في حياتها وأنها تتنزه وتسافر مع زوجها ويحضر لها أشياء قيمة.
ولم تشعر السيدة بأنها مخطئة في الحسد في حد ذاته ولكن تشعر بالحزن على وفاة أختها، فهي ترى أنها مظلومة والحياة حرمتها من أشياء كثيرة والكل يعيش أفضل منها حتى شقيقتها.
وتسببت هذه المكالمة في حالة من الرعب والخوف الشديد بين جمهور السوشيال ميديا عن مدى خطورة الحسد خاصة بينما ياتى من أقرب الناس ولم يعلموا به، بل يتفاجأون بوقوع كوارث وحوادث لهم بعد عمل أي شيء مختلف وجديد.
وجاءت المكالمة هكذا: "أنا عايزة اتكلم عن تجربتي مع الحسد وخايفة متصدقنيش"
-لا قولي يا حبيبتي اتفضلي
-"أنا كنت سبب في مـوت أقرب حد ليا بسبب الحسد وكنت ببص لأخواتي وأصحابي وقرايبي وكل الناس على كل النعم اللي هما فيها ، وأختي مـاتت بسببي"
وسألتها المذيعة "أعوذ بالله اهدي ليه بتقولي كده ؟، وجاوبتها وقالت "عشان أختي ماتت بعد ما شفت صورها في المصيف هي وجوزها والكلام طلع مني غصب عني قدام أهلي وقولت دي عايشة في نعيم جوزها كل يوم موديها في حتة هي ناقصها ايه تاني ومقولتش بسم الله ماشاء الله لأن أنا عايشة مع بني آدم مخليني أحسد كل الناس مش أهلي بس .. أشمعنى أنا اللي معنديش!".
ثم سألتها المذيعة "يعني ماعندوش مقدرة مادية يفسحك؟"، وجاوبتها "الله أعلم بقى معهوش ولا بيستخسر هو شغال علي قد مرتبه، أنا متجوزة من 6 سنين ومعنديش غير شنطة واحدة بس بخرج بيها أنتي ممكن تقولي عليا ببالغ بس مش معايا غير شنطة واحدة بس بخرج بيها".
ووجهت لها سؤال اخر "وإنتي أختك ماتت بعد ما قولتي كده على طول؟" وجاوبت وقالت "تاني يوم العربية أتقلبت بيهم وهما جايين في الطريق .. أنا على طول كنت باصة في عيشتها وعلى اللي بتجيبه وأختي التانية كمان ماشية بالفيزا كارت بتاعتها على طول بس مبقتش اتكلم عنها، وساكتة علشان ميحصلش حاجة لحد تاني بسببي".
ونستعرض المزيد من التفاصيل من خلال الفيديو جراف التالي.
