EN
قالت الدكتورة فاطمة عنتر، الواعظة في وزارة الأوقاف، إن مسألة طواف الحائض من الأسئلة المتكررة من الفتيات والسيدات أثناء أداء مناسك الحج أو العمرة، مؤكدة أن الشريعة الإسلامية راعت ظروف النساء وأعطتهن من التيسيرات ما يرفع الحرج عنهن، خاصة في أوقات الزحام وضيق الوقت.
وأوضحت في تصريحات تلفزيونية، أن "الحائض والطواف، سؤال بييجي لنا كتير من البنات أثناء الحج أو العمرة. دلوقتي هي حائض ومش عارفة تعمل إيه؟ ممكن المدة بتاعتها تخلص أو الرحلة اللي طالعة معاها يمشوا وهي لسه ما خلصتش المناسك“.
وأضافت "خليني أقول لك يا ست البنات إن الأصل إن المرأة تطوف وهي طاهرة، وإن الطهارة شرط لصحة الطواف، لأن سيدنا النبي عليه الصلاة والسلام قال: الطواف كالصلاة، فهو شرط لصحة الطواف، لكن لو المرأة حاضت، فالمفروض إنها تنتظر لغاية ما ينتهي حيضها، وبعد كده تطوف بالبيت، لكن لو كانت مرتبطة بمواعيد سفر، أو الفوج اللي معاها هيمشي، فما فيش مشكلة أبداً، لغاية ما ينتهي الحيض، مفيش أي مشكلة عليها إنها تتحفظ كويس وتطوف، وليس عليها شيء، لأنها تعتبر معذورة”.
وتابعت "ويُستحب في الحالة دي إنها تذبح بدنة، ويجوز لها إنها تذبح شاة، لكن لو ما تقدرش على ذبح ده أو ده، فإن شاء الله لا حرج عليها، لأنها من أصحاب الأعذار، والله أعلم".
حكم تسريح المرأة لشعرها أثناء الإحرام
قالت الدكتورة فاطمة عنتر، الواعظة في وزارة الأوقاف، إن من أكثر الأسئلة التي تكثر لدى النساء أثناء الحج والعمرة هو حكم تسريح الشعر في حالة الإحرام، مؤكدة أن الضابط في هذه المسألة هو معرفة المرأة بطبيعة شعرها، وهل يتساقط أثناء التسريح أم لا.
وقالت الواعظة في وزارة الأوقاف، في تصريحات تلفزيونية : "بالنسبة لتسريح الشعر في حالتين مهمين لازم تكوني عارفاهم”، موضحة "لو البنت عارفة إن شعرها بيقع كتير وهي بتسرّح، ومتيقنة من ده، فالتسريح في الحالة دي حرام، لأنها عارفة إن شعرها هينزل، وده لا يجوز في الإحرام. أما لو مش متأكدة، أو ما تعرفش إذا كان الشعر ممكن يقع ولا لأ، فهنا بيكون مكروه، لكن مش حرام”.
وتابعت الواعظة في وزارة الأوقاف: "يعني الضابط في الموضوع هو: هل أنتِ عارفة إن شعرك بيقع لما تسرحيه ولا لأ؟ لو متأكدة إنه بينزل، فبلاش خالص، أما لو ممكن ينزل أو ما ينزلش، فالأَولى تَرك الموضوع ده سدًا للذريعة".
