EN
علقت الإعلامية عبلة سلامة، على اقتباس نفس فكرة برنامجها «عندك وقت مع عبلة» الذي تقدمه على قناة MBC مصر ومنصة شاهد، معبرة عن استيائها من نسب مقلدين الفكرة لنفسهم.
وقالت عبلة عبر حسابها الرسمى على «فيسبوك»: "بصراحة مش عارفة المفروض أحس بإيه... أزعل؟ ولا أتبسط؟، أتبسط يمكن... لما ألاقى أفكار برنامج أنا والفريق تعبنا فيها، واتشغل عليها بإعداد حقيقى محترم بقت بتتعمل فى برامج تانية... بنفس الروح، بنفس اللعبة، حتى لو باسم مختلف، حتى بنفس الجملة بالضبط اللى أنا بأقولها فى كل حلقة »تيجى نلعب«؟!.. معقولة؟! والبجاحة أنهم يقولوا إنها فكرتهم !!! ده انتم ما تعبتوش حتى فى الاسئلة".
وتفاعل معاها بعض المتابعين و جاء التعليقات كالآتي : "كملى ولا يهمك بيت النتاش ما بيعلاش واللى بيسرق مجهود غيره نفسه قصير كل الدعم«، » ولا تشغلى بالك الفكره مش بس إلى بتخلينا نتابعك انتى وبرنامجك لاء انتى شخصيه محترمه وعندك قبول وطريقه اسألتك هى مفتاح نجاحك فاالتجاهل مطلوب وربنا معاكى واكيد انتى افضل من قدم برنامج حوارى ممتع محترم، الفرق واضح بين الحرير الطبيعى للستان اللميع، دة حقد وغل حقيقى".
وأضاف آخرون: “ولا يهمك كملى. مش مشكلة الأفكار تتسرق لأن روحك اللى بتقدم البرنامج مش حايعرفوا يسرقوها. الشياكة والأناقة واللباقة وخفة الدم والتواضع دى توليفة من عند ربنا محدش حايعرف يسرقها وربنا انعمك بيهم. كملى يا عبلة واستمري»، « خلى اللى يقلد ويسرق افكارنا يشبع بالحرام بس عمره مايعرف يسرق دماغنا ولا روحنا ولا طلعتنا البهيه وحب الناس”.
