EN
كشف الإعلامي خالد الغندور نجم الزمالك عن تفاصيل مشاركة مصطفى شوبير حارس الأهلي والمنتخب كحارس أساسي خلال مباريات كأس العالم.
قال في تصريحات إذاعية " هقولكم سر مكنتش عايز اتكلم فيه وده سر محدش يعرفه ، محمد الشناوي كان هيكون حارس المنتخب في مباراة إيران ، وكابتن حسام حسن بلغ الجهاز الفني إن مصطفي شوبير هو حارس مرمي المنتخب في إيران ، محمد الشناوي راح للكابتن حسام حسن وقاله يا كابتن حسام حضرتك من حقك تلاعب اللي انت عايزه بس كان لازم تيجي تقعد معايا وتقولي ، فـ حسام حسن قاله انت جاهز ؟ فـ الشناوي قاله جاهز ، راح حسام حسن قال لمصطفي شوبير هل ممكن تقعد والشناوي اللي يلعب ؟ راح مصطفي قاله معنديش مشكلة خالص.
واضاف"، الاسكور شيت كان اتحط خلاص ، وعشان تغير اسكور شيت لازم تعمل تقرير طبي عشان تخرج لاعب وتنزل لاعب مكانه ، ولو كانوا عملوا كده كان مصطفى هيخرج بره اللقاء خالص عشان هيكون ساعتها قدام اللجنة المنظمة هو مصاب.
واضاف “ ساعتها قرر الجهاز الفني يكمل بمصطفي شوبير أساسي والشناوي احتياطي ، بس الشناوي كان هيلعب المباراة ، ده سر أول مرة الناس تعرفه وانا مكنتش عايز أقوله وقت البطولة”.
