EN
أكد محمد فارس، الإعلامي بقناة الأهلي، أن مشاركة حمزة عبد الكريم مع برشلونة في الدوري الإسباني تمثل خطوة تاريخية في مسيرته، مشددًا على أن اللاعب المصري أصبح نموذجًا لكل من يتمسك بحلمه رغم الصعوبات.
حمزة عبد الكريم
وقال فارس عبر صفحته على موقع التواصل الاجتماعي «فيسبوك»: «حلمك مش ملك حد، حلمك ملك إنت وبس. أول لاعب مصري في التاريخ يشارك في مباراة مع فريق برشلونة في الليغا، بس لسه دي أول خطوة، ولسه الحكاية مكملة».
وأضاف: «وقت ما تم السخرية من اسمه، ووقت ما اتقال: ده هيلعب في برشلونة أتلتيك، كان البعض بيكشف أسوأ ما فينا، والناس كانت بتحاول تقضي على حلم ناشئ في لحظة كان محتاج فيها كل كلمة دعم وكل رسالة مساندة وكل صوت بيقول: هتقدر».
واختتم: «كنت بقول لكم حمزة هيكمل حلمه، لإنه مش هيسمع لأي صوت سلبي. حمزة عنده حاجتين إن شاء الله هياخدوا بيه لبعيد: إنه مصدق في موهبته وعنده ثقة فيها، والتانية إن أهله استثمروا فيه علميًا وأخلاقيًا، وده اللي هيحافظ عليه. كمل يا حمزة، لأنك نموذج لكل حلم عند كل واحد فينا قرر إنه يكمله مهما الظروف حاولت تمنعه عن حلمه».
