حسن علاء يكتب : امتى يجى الحد

سال دكتور مجنون اذا افترضنا ان االنهارده السبت يبقى بكرة ايه ؟؟؟
المجنون : السبت
الدكتور : و بكرة ايه
المجنون : السبت
الدكتور : و بعده ايه
المجنون : السبت بردو
الدكتور : بردو ؟؟؟؟!!!
المجنون : ده راى انا ثم ان ده الراى العلمى حتى . الاصل فى الزمن مش انه مقياس للتغير طول مفيش فيه تغيير يبقى مفيش فيه زمن تقدر حضرتك تقولى ايه اللى اتغير فى الدنيا من امبارح لغايه النهارده
الدكتور : على الاقل انت امبارح كنت عاقل و النهارده يعنى محل شك
المجنون : عظيم يبقى زمنى انا اللى اتغير لكن زمن الناس كلهااااا متغيرش يبقى النهارده السبت بردو
الدكتور : امبارح كان السبت و النهارده السبت و بكرة السبت و بعده السبت .
الدكتور : اومال الحد يجى امتى !!!
المجنون : قلتلى الحد يجى امتى يا دكتور
المجنون : الحد يجى لما نحس ان النهارده اختلف عن امبارح لما نحس ان الدنيا اتقدمت بينا خطوة لما نحس ان عداله النهارده اكتر من عداله امبارح
لما نحس ان ظلم النهارده اقل بكتييييير من ظلم امبارح
لما نحس اننا لاقيين مكان فى اتوبيس لما منقبضش على بياع البطيخ و نسيب بياع البلد لما نلاقى كيلو اللحمه بقى فى ايد الفقير لما نحاكم الوزير و هو لسه وزير
اما نحس ان احنا اتقدمنا خطوة او اترقينا سنتى يجى الحد يا دكتور
الدكتور : نفسى اعرف حكايتك ايه
المجنون : انا مستنى الحد يا دكتور
هذا الحوار ما شاهدته فى احد الاعمال المصريه و تذكرت به حال مصر و حكومه مصر الحاليه فا بعد ما فات و يمر و يطل علينا من احداث فان اسلوب الحكومه المصريه لا يتغير و تسير على نفس النهج العار من اى عداله او انصاف لابناء شعبها و تصر على تقديم مصالح افرادها الشخصيه على مصالح هذا الشعب الذى عانى الامرين منذ يناير 2011 الى الان
و انا كمان كا مواطن مصرى مستنى الحد يا دكتور
بس يا ترى هل هيجى ؟؟؟؟