مظهر شاهين: "هم فين بتوع حقوق الإنسان من اللي عملوه رجال الشرطة مش برضوا يستحقوا التكريم"

أكد الشيخ مظهر شاهين، إمام وخطيب مسجد عمر مكرم، أن حادثة التحرش التى وقعت لفتاة فى ميدان التحرير أثناء الاحتفال بتنصيب السيسى رئيسا للجمهورية ما هى الا مؤامرة مقصودة فى هذا التوقيت بالتحديد.

وقال شاهين، فى تدوينة له عبر صفحته الرسمية بموقع التواصل الاجتماعى "فيس بوك": "لقد وقعنا في الفخ.. مؤامرة التحرش مقصودة والتوقيت مقصود.. ما حنا عملنا 100 مليونية وكنا في التحرير قبلها بيوم وما حصلش حاجه من دي".
وتابع: "جريمة إخوانية متعمدة ومدبرة.. اللي صورها إخواني من رصد واللي فعلها مدفوعي الأجر زي اللي كانوا بيهاجموا وزارة الداخلية في محمد محمود.. برده مدفوعي الأجر.. وكل ده انتقاما من المرأة المصرية ولإحراج السيسي وخلق أزمة لخطف الأضواء من حفل التنصيب وإفساد فرحة المصريين.. وللأسف وقعنا في الفخ".
واستطرد: "عموما أطالب بتوقيع أقصي العقوبة علي من يثبت اشتراكة في هذه الجريمة.. وشكرا رجال الشرطة بس فيه علامة استفهام: هم فين بتوع حقوق الإنسان من اللي عملوه رجال الشرطة؟؟ هو ده برده ما يستحقش منهم تعليق وتكريم.. ولا هم بس شطار في جلدهم وتضخيم أخطائهم واللطم وشق الهدوم لو شرطي منهم غلط أي غلطة.. ولما يعملوا حاجة كويسة الكل يبقي أعمي وأصم".