أنس ( القصيدة) نأنأة

على فرشته واتبعتر الليمون
أبو قلب قاسى سبل الغندور
ياحته من قلب أمك وابوك
مين عرفك على الموت ياعصفور
كتب على صفحته فى الفيس بوك
( عايز اسمع خبر موتى وانا حى
عايز أشوف مين اللى هيبكى على )
وبعت وصيته بالموبايل قبل مايسافر
( صلوا عليه فى الميدان
ولفونى بعلم بلدى
واتبرعوا بعنيه وإيديه ورجلى )
خجلان لإنى مامتش لحد دلوقتى
فين اللى وجعوا دماغنا بالأغلبيه
والسلطة والعدل والحريه
ياعسكرى بابو بندقيه
إيه اللى نبنا منك ومنهم ؟
إفهم بقى ..............
أنس اصغر شهيد
ولسه كتير فى الطابور
الموت بقى غيتهم
ليجيبوا حقهم .....ليموتوا زيهم