"السيسي" عن مشروعات الكهرباء: تكاليف ضخمة.. وجهد وتخطيط دولة

علق الرئيس عبد الفتاح السيسي على عرض المهندس طارق الملا، وزير البترول، حول محطات الكهرباء والشبكات وحجم استهلاكات المواد البترولية، موجهًا حديثه للشعب المصري، قائلًا: "كان يهمني إننا نبقى عارفين، إنه عشان المحطات دي تشتغل اللى بيقدمها المهندس طارق وشبكات تنقل سواء لمحطات كهرباء أو نقل شبكات، إن ده تكاليف مالية ضخمة وجهد الدولة بتعمله".
وأضاف السيسي: "لما حد يتكلم على مشكلة الكهرباء والغاز، وهو ما يعرفش إنه وراه جهد وتخطيط دولة، وإنها ما بتتحلش واحنا قاعدين نتكلم كده، ولا وإحنا بنقرأ جرايد"، متابعا: "مش عاوز حد يفهمني غلط ولا حد يتألم"، وقال: "ده هم كبير البلد بتشيله عشان تحقق لنفسها وشعبها جهد الاحتياجات، وأموال كتير بتنفق"، مُضيفاً: "فيه كلام كتير بقول للمهندس طارق بلاش عشان ما ينفعش يتقال، الدولة حاجة تانية مش على قد كلمتين بيتقالوا".
ويزور الرئيس عبد الفتاح السيسى، اليوم، الأحد، محافظة دمياط لافتتاح عدد من المشروعات، منها مشروع توسعات مصنع موبكو بمجمع البتروكيماويات، المستشفى العسكرى بمدينة دمياط الجديدة، ومتابعة أرض مشروع مدينة دمياط للأثاث.
ويرافق الرئيس خلال الزيارة، المهندس شريف إسماعيل، رئيس مجلس الوزراء، وعدد من الوزراء، إضافة إلى عدد من الصحفيين والإعلاميين الشباب، ومجموعة من الطلاب الدارسين بالبرنامج الرئاسى لتأهيل الشباب للقيادة.