هانى عبد الجواد يكتب: أنا مين.. أنا إزاى

خناقات ومظاهرات واحتجاجات هنا وهناك لما الواحد مبقاش عارف مين عاوز ايه.. يا اخوانا يا اهل مصر حد يعرف انا مين.. انا ازاى انا مش عارفنى.. بجد انا مش عارفنى كل اللى فاكره انى انا واحد مصرى بيحب مصر بجد، كنت بحلم بالعدل والحرية والمساواة، كنت بحلم انه ييجى اليوم اللى مرتبى يكفينى انا والعيال وام العيال، كنت بحلم باليوم اللى ابنى يقدر يدخل اى كليه هو يريدها دون التقيد بالشروط التعجيزيه وحواجز الوسطة والرشوة والمحسوبية.. لكن بجد انا مش شايف اى تغيير.. شايف الرشوة هية هية والحرامية فى المحليات نازلين هبش بل على العكس الهبش زاد والهبيشة زاد عددهم.. كله بيضرب فى كله.. نفسى اشوف فصيل او حزب او حتى شخص يحب مصر من اجل مصر لا من اجل التورته والكعكه.