مي كساب تكشف سر بكائها بعد انجاب "فريدة"

كشفت الفنانة مي كساب عن بعض تفاصيل حياتها بعد تحقيقها لحلم الأمومة وإنجابها مولودتها الأولى فريدة .

وكتبت من خلال حسابها على الفيسبوك : "اول ما أهل جوزي بيمشوا من البيت بأحس أني اتعريت بجد مش عارفة من غيرهم كنت عملت ايه اديني قاعدة اهوه عاملة زي العيلة الصغيرة وماسكه في أيدي عيلة صغيرة وبابقي محتاسة بأحاول أقوي نفسي طول الوقت واعمل فيها جامدة، بس انا كدابة ولا طلعت جامدة ولا اي حاجة باعيط لما بتعيط باعيط لما بأقعد بيها لوحدي، صح محمد حرام بيعمل اللي عليه وبيطلع يشيلها معايا ساعتين عشان انا انام فيهم بس اول ما بينام وأفضل انا برضه بيها لوحدي بافضل اعيط زي العيال ما انا عيلة ومن غير حضن امي".

وتابعت "ياه يا امي سيبتيني بدري قوي وانا عيلة ومحتاجالك قوي كنت فاكرة نفسي جامدة طلعت فستك خالص باحاول ابقي ام وانا من غير ام صعب قوي احساس مش هيحسه غير اللي زيي وبس، الله يرحمك يا امي يا طعم الحياة يا كل الحياة".