EN
كشف الطفل عبد الرحمن ، المعروف بـ"الراقص مع الكلاب"، عن أمنيته قائلا: "أنا بدور على اخواتي ولا أعرف عنهم أي معلومة منذ تركهم المنزل، أنا نفسي نرجع نعيش مع بعض تاني فى أوضة ناكل ونشرب من غير ما حد يؤذينا ولا يضربنا بعيد عن مرات أبويا ، وأرجع لمدرستى تانى وأتعلم و أفضل أرسم وارقص مع الكلاب".
وأضاف "عبدالرحمن" خلال لقائه لبرنامج "صباح أون"، مع الإعلامية "أسماء يوسف"، اليوم الأربعاء، أنه خرج من منزل ابيه بسبب زوجته التى اعتادت ضربه هو وأخاه صاحب الـ9 سنوات ، قائلا "أنا اللى سبت البيت وهى أصلا مش عايزانى فى البيت ومرة طردتنى من البيت"، لافتا إلى أنه وقت هروبه من المنزل كان فى الصف السادس الابتدائى منذ 3 سنوات، وأنه كان متفوقا فى دراسته ولكنه لم يعد يجيد شيئا الآن فى التعليم بسبب تواجده فى الشارع بشكل دائم منذ تركه للمنزل.
تابع:" حبيت أقعد مع الكلاب في الشارع فهم أحسن من زوجة أبي وأهلي كلهم، فالكلاب تدافع عن أصحابها، أنا شغلى دلوقتى إنى أساعد فى ركن العربيات، وفى الليل بسهر مع الكلاب وأنا بقالى 3 سنين فى الشارع.. وشايف أنى اشتغل أحسن وأركن العربيات وأقعد أرسم".
