محمد سمير حليس يكتب : بتعاملينى كأنى كلب

ع الحزن معودانى
وبالفرح معشمانى
ماعرفتش فيك فرح
كل خطوة بالف جرح
وكل جرح بالف اة
ناوية معايا على اية ياحياة
معودانى ع الحزن دايما
و مغلبانى
حتى العيشة مش طيقانى
ابكى .. اشكى
ولا حد سامع
ولا حد حاسس
و رغم حزنى رضيت .. اعيش
معايا او ممعاييش
اساوى او مساويش
رضيت اعيش
لا لية حقوق ولا اعتبرتى لية قلب
بتعاملينى كأنى كلب
حتى حبيبتى
كنت عايش ليها وبس
كانت حياتى .. وكل كيانى
وكانت اجمل شئ انحس
فجاة سابتنى
شوفتو النحس
هاتى حزن كمان وودى
هدى فيا يادنيا هدى
اللى اشتريتة بالغالى باعنى
نفسى افرح فيك يوم
ولا اشوف عذاب ولا اشوف هموم
نفسى اعيش زى كل الناس
لية انكسر وبرضة انداس
ع الحزن معودانى
يادنيا مش عتقانى
مفيش غيرى فيك
ولا انتى مش طيقانى