الصفحة الرسمية للرئيس السيسى على مواقع التواصل تنشر مقتطفات من كلمته فى كاتدرائية ميلاد المسيح

نشرت الصفحة الرسمية للرئيس عبد الفتاح السيسى على موقع التواصل الاجتماعى « فيس بوك » مقتطفات من كلمة الرئيس عبد الفتاح السيسي أثناء حضوره قُدّاس عيد الميلاد بكنيسة ميلاد المسيح بالعاصمة الإدارية الجديدة ، حيث قال الرئيس : « الإفتتاح الجزئي للكاتدرائية النهاردة، ده رسالة كبيرة أوي من مصر، مش بس للمصريين..لأ.. ولا حتى للمنطقة.. ده للعالم كله..
رسالة سلام.. ورسالة محبة » .

وتابع الرئيس قائلا : « احنا بفضل الله سبحانه وتعالى بنقدّم نموذج للمحبة والسلام بينّا وبين بعضنا.. هتخرج المحبّة وهيخرج السلام من مصر.. هيعُمّ العالم كله.. صدّقوني.. دايمًا بكرّر وبقول.. عُمر الشر وعُمر الخراب وعُمر التدمير وعُمر القتل.. لا يمكن يقدر أبدًا يهزم الخير والبناء والمحبة والسلام.. لا يمكن» .

كما قال الرئيس : « يا ترى المحبة.. يا ترى الفرحة اللي احنا شايفينها دي .. تساوي كام.. تساوي إيه .. ليه احنا مش شايفين الخير والسعادة بينّا وبين بعضنا.. ليه إحنا مش شايفين غير الأذى.. ...خلّي بالكم.. إنتم أهلنا .. وإنتم منّنا.. واحنا واحد.. ومحدّش أبدًا أبدًا هيقدر يقسّمنا.. أبدًا » .

وتابع قائلا : « مش عايز أتكلّم في أي آلام.. الآلام بتؤذينا كلّنا.. ..أنا سعيد إن احنا موجودين هنا.. وموجودين وانتوا فرحانين كدة.. ويارب يقدّرنا إن احنا ندخّل الفرحة على كل الناس في مصر.. كل الناس.. بدون تمييز.. كل الناس» .

واختتم الرئيس قائلا : « أنا بشكركم على حفاوة الاستقبال.. تحيا مصر بيكم.. تحيا مصر بالمصريين.. تحيا مصر بالمصريين ..كل سنة وانتوا طيبين.. وعام سعيد عليكم وعلينا وعلى الدنيا كلها..» .