مدبولي للشباب: لم أكن أحلم برئاسة الوزراء.. فيديو

أعرب الدكتور مصطفى مدبولي رئيس مجلس الوزراء، عن تقديره لشباب مصر، متذكرا تخرجه فى جامعة القاهرة عام 1988، من كلية الهندسة.

ووجه رئيس الوزراء، كلمة إلى شباب مصر قائلا: "أنا خريج جامعة القاهرة كلية الهندسة، بالمصادفة خريج يوليو 1988، النهاردة يوليو 2018، بعد 30 عاما بالظبط فاكر وأنا شايل المسطرة، ولو حد كان قالي إنك هتبقى رئيس وزراء مصر كنت هقوله أكيد انت بتحلم".

وأضاف مدبولي، خلال كلمته التي ألقاها بجامعة القاهرة، خلال فعاليات مؤتمر الشباب: "أقولها لشبابنا البرنامج اللي هتشوفه وهنعرضه في 10 دقائق "مصر تنطلق"، شارك في إعداده كوكبة كبيرة من الشباب، أكبر واحد فيهم عنده 30 عاما.. يا ريت توصل رسائله للشباب".

وتابع: "أنا في 1988، من الناحية الاقتصادية.. كنا أسوأ من الوضع الحالي، اتخرجت واشتغلت وأول مرتب ليا كان 180 جنيها، في القطاع الخاص، وبنتمي للطبقة المتوسطة، زيي زي أحد حد، في بداية حياتي كنت بفكر حياتي عاملة أزاي، وكان يصيبني الإحباط، لكن لو كنت استسلمت لليأس والإحباط ماكنتش هبقى قاعد هنا".

واستطرد: "مهم كشباب أن نرى مستقبل بلدنا إنهاردة فى ظروف أفضل من اللي بدأت فيها.. بعد 30 سنة ليا الشرف وشيء ماكنتش أحلم بيه ولا يجي على بالي إنى أقعد قدام رئيس الجمهورية متوليا منصب رئيس وزراء مصر"، مُضيفا: "ربنا بيكافئ كل مجتهد بغض النظر عن الظروف.. هتوصلوا لشيء أفضل من اللي بتطمحوا ليه في حياتكم".