EN
قال حمدي الصعيدي، والد الطفل ضحية الإهمال في كفر الشيخ، إن نجله تعرض لبتر ذراعه بسبب إهمال شركة الكهرباء في كفر الشيخ.
وروى "الصعيدي"، خلال مداخلة ببرنامج "مساء دي إم سي"، المُذاع عبر فضائية "دي أم سي"، تفاصيل الحادث قائلا: «قبل الحادث بيوم العاملين بالشركة كانوا بيعملوا صيانة في الكشك، والعمال سابوا باب المحول مفتوح ومشيوا».
وأشار: «تاني يوم كنت راجع البيت وقدام العمارة ابني قال لي هات فلوس اشتري حاجه، وبعد دقيقتين سمعنا صراخ، وبعدها عرفت إن ابني دخل محول الكهرباء».
وتابع: «خدت ابني ودخلت المستشفي ماعرفوش يعملوا حاجه، وحولوني لعيادة خاصة، الدكتور معرفش يعمله حاجه، طلعت علي مستشفى كفر الشيخ العام طردوني، روحت مستشفي طنطا، عمل عملية بتر في ذراعه الشمال، وحاليا ممكن يعمل بتر كمان في ذراعه اليمين».
