EN
قال الفنان طارق عبدالعزيز، إن الزعيم عادل إمام كان سببا كبيرا في تغير شخصيته الفنية.
وأوضح "عبدالعزيز"، خلال استضافته ببرنامج "الجمعة في مصر"، المُذاع عبر فضائية "إم بي سي مصر"،: «بعد ما عملت فيلم أصحاب ولا بزنس، سنة 2002 كنت رايح أبارك لـ الأستاذ علي إدريس علي الفيلم، وكان بيعمل وقتها فيلم مع الأستاذ عادل إمام»، لافتا: «متوقعتش وقتها إن الأستاذ عادل إمام يعرفني».
وتابع: «لقيته بيقول تعاله يا عبد العزيز، وقالي أنت جاي تبارك لـ علي ولا تبارك لي»، موضحا: «قعدت معاه، وفي وسط الكلام قالي حاجه مهمة جدا، ، قالي خلي بالك يا طارق إنتوا كوميدينات شبه بعض، ولازم تختلف وكانت الجملة دي المحك الحقيقي إن ما اعملش دور مكرر».
وأضاف: «في البدايات كل الممثلين كانوا بيقولوا اثبت على دور علشان الناس تعرفك، وأنا سبت كل دا وكانت دائما أعمالي مختلفة في الشخصيات»، مؤكدا: «المخرجين مكنوش عارفين يحطوني فين، ودا كان مهم بالنسبة ليا، عادل إمام ربنا يباركلنا فيه كان هو الفارق بالنسبة لي».
