دعاء الجوهري تكتب : ياريتني يوم ما فتحت بابي‎

ياحب ملكنى هواه رفعنى معاه لسابع سما.. اوام سمعت صداه فمشيت وراه وصدقته انا.. ملكنى بحبه وعيشت فيه بروحى لقيتنى بقول لقلبي اصبر ياقلب اوعى في يوم تجيب ورا...

طول عمرك عايش كريم رافع راسك لفوق ولا مرة يوم حنيت وسمعت كلام من اللى اتهري..

دخل البيت من بابه رحبت بيه وقولت هو ده اللي عالجبين اسمه اتقري... قاومتنى واجهتنى وقولتلي سيبينى اعيش الحب ده انا نفسي مرة اجرب عشق الهوى.. وادينى اهو جربت وكنت عطشانة وارتويت وبنار حبك انا انطفيت .. سألتنى في يوم حبيت جاوبت عليك ورديت ده قبلك كنت ميت وأوام صحيت..وقتها بس حسيت انى كنت بلا روح واتحييت .. هو ده الحب؟! ده حاجة اكتر ما اتمنيت ... كلام جميل بسمعه من بين شفايفك واصدقه.. دى همسة .. دى نظرة .. ده موقف جميل خلانى اعشقه...

ده كله فى وقت الحنية والطيبة ظهرت معاه المجدعة... طيب تعالي نجرب وقت الجد .. بس اوعى ساعتها فى يوم تتهد !!

ده فين الحب والطيبة والحنية ؟! ده كله طلع اوهام وانا إللي بيتلعب بيا!!
أوام ظهرت حقيقتك واتحولت .. خلعت فى لحظة الوش المزيف واتبدلت.. صدمتنى..خدعتنى خليتنى اقول ده انا اتفزعت!!

مش هو ده ابدا إللى انا حبيته .. ده طلع صورة ورا واحد تانى خبيته .. وفى لحظة كل إللى قولته نسيته .. وياتحبينى وتضحى علشانى ياشكرا على وقت معاكى قضيته..

وبكل سهولة بتتخلى .. وبكل بساطة بتبيع .. ده حب ده ! ولا شروة وبتفاصل فيه! وطلع مش على مزاجك وفى ثانية سيبته يضيع!!!

طيب وأنا؟!! مالقيتش غيرى وتهد فيه ! ماقدرتش غير على قلبي وتكسر فيه!! ده انت ماشوفتش منى غير الطيبة والحنية والإحترام بتعامل بيه!!
حسبت كل ده ضعف وعليه بقيت بتيجى وبتتهاون فيه!!
كذبت.. خدعت.. كمان مثلت برافو عليك تستاهل جايزة اكبر اوسكار فى التمثيل...

حبيتك بكل جوارحى وإحساسى.. وهمتنى ومارديت ومشيت وعملت ناسي...
نسيت اصحابي ومعارفي وخليتك كل ناسي.. واما مشيت رجعت تانى مالقيت فيها حد قاسي..
رجعنى تانى لدنيتى .. ياريتنى يوم ما فتحت بابي.