EN 
"أنا هنا بقالى ٣ سنين بعمل أكل المساجين كل يوم"، بهذه الكلمات بدأ مؤمن شعبان محمد طباخ سجن برج العرب حديثه ل"صدى البلد".
تحدث مؤمن والمحبوس فى قضية مخدرات بسجن برج العرب قائلا: "أنا دخلت السجن بعد ما اتحكم عليا لمدة ١٥ عاما فى قضية مخدرات فى أول مدتى فى السجن كنت شايف الدنيا سودا فى وشى وأن حياتى انتهت ولكن إدارة السجن غيرت كل ده بعدما قاموا بتشغيلي فى مهنتى التى قضيت فيها عمره كله وهى مهنة الطبخ".
واسترد قائلا: "قبل مالشيطان يغوينى سبت محافظتى الزقازيق ورحت اشتغلت شيف فى أحد فنادق شرم الشيخ ولكن الشيطان لعب بيا وخلانى أتاجر فى المخدرات وكانت آخرتى هنا خلف القضبان".
سبت مراتى وعيالى الاتنين، ملهمش غير ربنا، بس أنا هنا بقالى ٣ سنين بشتغل علشان أضيع وقت السجن وأحلى حاجات لقيتها فى السجن هنا هى معاملة الضباط والإدارة فى السجن اللى وقفوا فى ظهرى علشان اشتغل الحاجة اللى بحبها وبقيت أنا الشيف بتاع كافتيريا السجن.
وعند سؤاله عن الكفته والفراخ المشوية اللى موجودة فى كافتيريا السجن قال: "إحنا هنا فى كافتيريا السجن بنعمل كل أنواع المشويات من لحوم ودواجن وأسماك وكمان بنعمل حلويات يعنى بنعمل جاتوه وتورت كمان، وكل ده للسجناء".
وأضاف "أهل كل سجين بيقوموا بإيداع مبلغ للسجين بأمانات السجن وهى ياخد بيها السجين كوبونات يتعامل بها داخل السجن، يعنى يقدر يشترى بالفلوس اللى بيتم إيداعها من أهل المسجون وأى حاجة هو عايزها من الكافتريا من مشويات لحلويات لحاجات ساقعة.
