EN
حرص المؤلف عمرو سمير عاطف، على إجابة أسئلة الجمهور المتكررة بخصوص أحداث مسلسل "النهاية" لـ يوسف الشريف.
وقالعمرو سمير عاطف، من خلال حسابه الرسمي على "فيسبوك": "استفسارات متكررة واجاباتها التي قد لا تكون نموذجية..ازاي زين الروبوت بيشحن؟ جاء في الحلقة الثالثة من المسلسل أن المواتير المستخدمة في صناعة وتكوين الروبوت مواتير تنتمي إلى تكنولوجيا قديمة - بالنسبة لهم في المستقبل - يتم شحنها بالحركة والتنفس وكلما تحرك الروبوت كلما كان الشحن أكثر".
وأضاف: "طب ليه بقى فيه أزمةطاقة؟ اتقال في الحلقة الأولى من المسلسل بكل وضوح إن أزمة الطاقة ازمة مفتعلة وإن فيه حلول كتير ليها لكن الشركات المسيطرة على العالم ليها مصلحة في استمرار الأزمة، بالإضافة إلى أن المواتير المستخدمة في تصنيع الروبوت مواتير توقف صنعها وتعتمدعلىتكنولوجيا انقرضت".
اقرأ أيضًا:
وأضاف في رده على سؤال: "ازاي الروبوت بيكسر عربية مصفحة بالبساطة دي؟ جاء في الحلقة التالتة إن الروبوت مصنوع من معدن الايسيهاتوهو معدن قوي جدا لدرجة إنه ممكن يستحمل انفجار نووي.. إزاي قدر يتحرك ويبقى عنده مهارات قتالية كده؟ جاء في الحلقة التالتة إن كل العقول الاصطناعية متوصلة ببعض وأي معلومة فيه عقل منهم بيعرفها الكل بيعرفوها ومنها المهارات القتالية اللي لو اتحملت على عقل فكل المتصلين بيه هيبقى عندهم نفس المهارات، وعزيز قال في نفس الحلقة إنه عمل بلوك لعقل زين الروبوت عشان ما يفتكرش ذكريات زين الحقيقية ولا المعلومات اللي كل الروبوتس عارفينها لكن لما حاولوا يحملوا الوعي بتاعه شالوا البلوك فعرف وفهم وافتكر".
وتابع: "ليه عزيز ساعد صباح؟ فيه سبب المفروض إنه هيبان بكل وضوح في حلقة قريبة جدا، ليه فيه معدات وادوات قديمة زي الرزة والقفل اللي بيقفلوا بيهم الأبواب؟ ده مقصود لأن التقدم مش معناه نهاية كل القديم بالضرورة وأعمال الخيال العلمي الحديثة توقف مبدعوها عن تصور إن كل حاجة هتتغير وبقت الشخصيات تلاقيها لابسة لبس شبه لبسنا العادي مثلا، وفيه أشياء قديمة ما زالت بتستخدم وأهم حد عمل ده كان ستيفن سبيلبرغ في أفلام مينورتي ريبورت وارتيفشيال انتيلجنس وريدي بلاير، وإن هتلاقي فيه مزج بيزيد بين القديم والجديد مع كل فيلم من الأفلام الجميلة والمهمة جدا دي، واحنا حاولنا نعكس نفس التصور ده بس يمكن ما وفقناش أو وفقنا ده متروك للمتابع".
واستكملعمرو سمير عاطف قائلًا:و"أخيرا: ليه الشخصيات بتتكلم مصري وفين مصر؟ اللهجة المصرية هي لهجة المتلقي المشاهد المستهدف من العمل، عايزينه يفهم كفاية شوية الحاجات اللي فوق هنزودها بلهجات شامي ولغات أجنبية كمان، ومصر موجودة وما حصلهاش حاجة الحمد لله وده برضه هيبان وهيتم ذكره بكل وضوح في حلقة قريبة".
واختتم حديثه منشوره قائلا: "طيب لو بعد كل ده اتفرجت على الحلقات وما لقيتش إجابات على أسئلتك أو ما اقتنعتش بالإجابات والتفسير المطروح يبقى العيب فين؟ في المسلسل طبعا ومن حقك إنك تنتقده لأن أنا باتعلم من انتقادك، ولو أنا مش هاكتب خيال علمي أو حتى مش هاكتب تاني خالص فغيري هيبقوا واخدين بالهم من إنك كمشاهد ما بترضاش بأي حاجة وما بتعديش أي حاجة، فنعمل حسابك أكتر ونحاول إننا نتقن العمل أكتر".
