تامر أمين ينفعل على الهواء: الناس هتتصاب ومش هيكون فيه مكان في المستشفيات

قال الإعلامى تامر أمين، إن الشوارع ممتلئة بالمواطنين وهناك زحام شديد ومعظمهم غير ملتزمين، والأسر تترك الأولاد فى الشوارع، معلقًا "الناس بتتعامل عادى ومفيش فيروس كورونا".

وأضاف تامر أمين، خلال تقديمه برنامج "آخر النهار" المذاع على قناة النهار، "الناس هتتصاب بفيروس كورونا ومش هيكون فيه مكان فى المستشفيات عشان يتعالجوا لو الأعداد ارتفعت زى الدول الخارجية".

وتابع تامر أمين، "مش عارف الناس عايزه إيه!.. عايزه تبقى زى الدول الخارجية اللى بتحرق جثث المتوفين بـ كورونا ومفيش مكان ليهم".

وأكد تامر أمين، أن الشخص المستهتر يتسبب فى إصابة غيره، وكشف "الكمامة الدوارة مظهرتش غير فى مصر.. كل واحد داخل البنك يلبس الكمامة، وهو خارج يلبسها لغيره".

وأوضح تامر أمين، "المواطنين بيلعبوا مع الحكومة عسكر وحرامية، وعايزين يعملوا حاجات عشان يخرجوا فى العيد".