إبراهيم سعيد يهاجم شلبي: "لو حد شال المكتب اللي قدامه هتلاقيه لابس شبشب حمام"

شن إبراهيم سعيد لاعب الأهلي والزمالك السابق والمحترف حالياً في صفوف أسيريسكا السويدي هجوماً عنيفاً على القنوات الرياضية الفضائية واتهمها بأنها هي السبب في التعصب بين جماهير الأهلي والزمالك.
وقال سعيد: "سبب التعصب بين الأهلي والزمالك المكالمات والرسائل علي القنوات.. أكيد كلنا بنتابع مباريات أوروبا مش بنشوف حتي ميسد كول".
وأضاف "في مصر بيجيبوا 60 محللاً ولا كأنهم في معمل البرج.. الماتش 90 دقيقة وفقرة التحليل 4 ساعات".
وتابع اللاعب الدولي السابق "ده مدحت شلبي قلب فترة حمادة سلطان وكان بيقول نكت، ده كان فاضل فقرة الأمثال الشعبية، وبعدين عمل برنامج عن حصان الأسبوع".
وأضاف: "والله لو حد شال المكتب اللي قدامه هتلاقيه لابس شبشب حمام".
واختتم سعيد تصريحاته قائلاً: "والله العظيم كنت مرة في برنامج شهير ولقيت المذيع حاطط شبشب زنوبة بتاع زمان تحت المكتب، ورغم كدة بيتكلم بكل تناكه".