EN 
حلت الفنانة كندة علوش، والمطرب محمود العسيلي، والمايسترو جورج قولتا، ضيوفا بـ برنامج "سهرانين"، الذي يقدمه الفنان "أمير كرارة"، والمُذاع عبر فضائية "أون إي".
وقال "الفنان محمود العسيلي"، إنه لم يعد يرد على المتابعين على السوشيال ميديا، معقبا: "بطلت أرد خلاص، وكنت بتبهدل".
وأضاف: "كنت برد على الناس واللي كان بيغلط كنت برد عليه، وكنت جرئ جدا وبتعامل طبيعي بعفوية كأي شخص وبحسن نية، وألاقي الدنيا بتضرب في وشي جامد"، مشيرا: "اتعلمت أني امسك نفسي، وبعمل بلوك لإن الموضوع بقا مستفز، والناس بقوا يتنمروا علينا فعلا".
وقالت "كندة علوش"، إن والدتها بمثابة صديقتها، معقبه: "ماماتي صاحبتي ودا اللي بحاول اعمله مع حياة بنتي.. وماما أعز صاحبه في حياتي".
وأشارت: "حياة بنتي لسه صغيرة، ومش بتفهم أوي، وساعات بقعد احكي لها حاجات عمرو بيبص ليا على إني مجنونة"، موضحه: "بس أنا بقول أكيد اللي بحكيه لحياة بنتي بيفتح لها حاجه"، متابعه: "بقعد أقولها انتي مسئولة عن نفسك.. كلام مش لبنت عندها سنتين".
وأضافت: "أنا مؤمنة أما أقعد أكلم بنتي بتفتح ذهنها وتتكلم بدري.. وأنا بكلمها في كل حاجه في الدنيا، وقررت إني أسمع بنتي كل حاجه في الدنيا لإنها بتعشق الموسيقي"، لافته: "الصبح وإحنا بنفطر بشغل لها أغاني عربي، والضهر بشغل لها حاجه كلاسيك، وفي مرحلة الهيبرة بشغل لها مهرجانات".
