مش هرد.. كهربا يهدد بالانسحاب من حلقة العرافة .. وبسمة وهبة تتدخل

هدد اللاعب الدولي محمود عبد المنعم كهربا لاعب النادي الأهلي ومنتخب مصر، الإعلامية بسمة وهبة، بالانسحاب من برنامجها العرافة، والمذاع عبر شاشة المحور، مساء اليوم الثلاثاء.

وقال كهربا، لـ وهبة، :"بلاش بقي ارد على الناس اللي بتهجمني وماينفعش أرد على اللي بيهجموني والرد في الملعب"، لتقاطعه بسمة وهبة، :"أسم الفقرة حق الرد وانت من حقك ترد على الجميع".

فيما عبر اللاعب الدولي محمود كهربا لاعب النادي الأهلي ومنتخب مصر، عن عميق رفضه لكل من يهاجمه في الوسط الرياضي، مؤكدا أنه من ضمن المهاجمين اللاعب الدولي السابق أحمد حسام ميدوا نجم منتخب مصر السابق، والكابتن رضا عبد العال اللاعب السابق.
 

وأكمل اللاعب الدولي، أن :"مش عايز اخسر الناس، ولو قابلني ميدو في أي مكان مش هسلم عليه، ومكنش يقدر يهاجمني لما كنت في الزمالك". 
 

وتابع أنه :"مش محتاج لقطة ولسه سني صغير ومش من حق ميدو كل يوم يسخن عليا الناس، ويدوا ينتقم مني عشان حاجات تانية ومش عايز اتكلم عليها ومش شايفه، وانا عامل احترام للنادي الأهلي وماينفعش أرد على اللي بيهجموني وهرد عليهم في الملعب".

وتابع أنه :"ماعرفش رضا عبد العال ومافيش بينه وبيني أي عداوة".