EN 
تعرضت الفنانة ياسمين عبدالعزيز ، لأزمة صحية خلال الفترة الماضية أدت لدخولها الرعاية المركزة ، حسبما أعلن زوجها الفنان أحمد العوضي عبر صفحته الرسمية على موقع التواصل الإجتماعي " فيس بوك "، ولكن بفضل دعوات محبي الفنانة خرجت من العناية المركزة منذ قليل .
بداية الأزمة
البداية عندما أعلن الفنان أحمد العوضي ، زوجة الفنانة ياسمين عبدالعزيز ، عبر صفحته الرسمية علي موقع التواصل الإجتماعي " فيس بوك " قائلاً " : “يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا ... أنا ضعيف جدا من غيرك إنتي لازم تبقي كويسة ولازم تقومي بالسلامة ... أنا لأول مرة أكتب من غير ما أكون مفكر أنا بكتب إيه وهكتب إيه ... بس انتي هتقومي إن شاء الله بإذن الله عشان إنتي وعداني وعد وهتتفذيه”.
وتابع قائلًا: “انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره ... وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك”.
واختتم أحمد العوضي، حديثه قائلاً: "قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك ..
ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم".
شقيق الفنانة يعلق
وكشف الفنان وائل عبد العزيز عن تطورات حالة شقيقته الفنانة ياسمين عبد العزيز الصحية بعد خضوعها لعملية جراحية.
وكتب وائل عبد العزيز عبر حسابه بموقع فسبوك :" أنا كل اللى هقدر اقوله دلوقتى ادعو لياسمين حالتها خطرة".
زوج ياسمين عبدالعزيز يحذر من الاخبار المضللة
علق الفنان أحمد العوضي عن الأنباء المتداولة حول الحالة الصحية لزوجته الفنانة ياسمين عبد العزيز ودخولها في غيبوبة تامة بعد إصابتها بتسمم في الدم نتيجة خطأ طبي.
وكتب أحمد العوضي عبر حسابه على موقع فيسبوك: "يا جماعة بعد إذنكم.. أي تصريح عن الحالة عن طريقي فقط.. وأنا مقلتش أي تصريح عن حالة ياسمين غير إني طلبت منكم دعواتكم.. وتمنياتكم لها بالشفاء العاجل.. شكرا ليكم".
واستطرد قائلا: "هي في الرعاية دلوقتي ومحتاجة دعواتكم .. دي كفاية إنها تهون عليها".
خروج ياسمين عبدالعزيز من الرعاية المركزة
كشف شقيق ياسمين عبد العزيز، عن تحسن الحالة الصحية لها، بعد دخولها في غيبوبة منذ أيام، إذ كتب: «الحمد لله.. ياسمين عبد العزيز حالتها بتتحسن.. دعواتكم».
كشف الفنان احمد العوضى عن تطورات الحالة الصحية للفنانة ياسمين عبد العزيز بعد خروجها من العناية المركزة.
وقال أحمد العوضى عبر حسابه بـ فيسبوك :" الحمد لله یاسمین خرجت من الرعاية المركزة لكن تعليمات الأطباء المعالجين ممنوع الزيارة تماما لمدة أسبوعين خوفًا عليها حيث إن الحالة تحت الرعاية الطبية الشديدة حتي استقرار الحالة".
واضاف احمد العوضى:" اعتذر لكم عن عدم ردي لكن اعذروني غصب عني شكرا ليكم كلكم علي دعواتكم ليها ومشاعركم الطيبه وحبكم اليها ..... ادعولها ربنا يكملها علي خير وتقوم بالسلامه"
