خلال لقائها ب كلمة أخيرة.. نرصد أبرز 10 تصريحات للفنانة صابرين

حلت الفنانة صابرين ، ضيفاً مع الإعلامية لميس الحديدى، فى لقاء خاص ببرنامج " كلمة أخيرة  " على شاشة " ON"، وفي هذه السطور نرصد أبرز 10 تصريحات لها خلال  البرنامج:

1- بالنسبة لي كان موقف حلا شيحة مريب، وأنا أعرفها وهي خالعة الحجاب وهي محجبة، ومنتقبة، وهناك مناسبات مختلفة جمعتنا لكن الموقف الأخير مريب بعد مهاجمتها الفنان تامر حسني، لطرحه كليب "بحبك" من فيلم "مش أنا" عبر اليوتيوب.

2- حلا شيحة تعرضت للتخبط في الفترة الأخيرة ولما بعدت نسيت التمثيل.

3- اللي عملته حلا شيحة أوفر شوية وأكثر ما أزعجني في أزمتها علاقتها بوالدها الفنان أحمد شيحة.. أي حاجة عادي لكن علاقتك بوالدك ما ينفعش تبقى كده أبوكي راجل محترم جداً.. براحتك اتجوزي واعملي اللي إنتي عايزاه لكن الأب والأم خط أحمر.

4-  لا أحد يعلم علاقتي بربي ولا الأشياء الخيرة التي أقدمها من أجل رضا الله ومحدش هينزل القبر معايا.

5- تلقيت العديد من التعليقات السلبية وموجة من الهجوم بسبب ارتدائي الباروكة لذا قررت أن أتخلى عنها وأتخلى عن الحجاب لأنني لا أريد أن أكون بوجهين وأنا راضية عن نفسي، ومكنتش عايزة لقبي يبقى أم باروكة".
 

6- سعاد حسني شاهدتني في مسرحية "حمري جمري"، وقالت لي " إنتى ضحكة عينيكى وضحكتك شبهى وقالت لى ليه مش بتعملى استعراضات سينمائية"، مضيفة: "اتفتحت الستارة لقيت سعاد حسنى وأحمد زكى تحت والموسيقى مكنتش وقتها ساعة الاستعراض (بلاى باك) فضلوا يعيدوا فيها وأنا مذهولة لما لقيتهم قدامى (كنت عاوزة أجرى)".

7- كنت أتمنى العمل مع المخرج شريف عرفة واتيحت لي الفرصة مع فيلم "الإنس والنمس" مع محمد هنيدي.

8- كنت محظوظة للعمل مع أباطرة الإخراج مضيفة "كنت محظوظة كل فترة في مسيرتي وعملت خطوة جديدة وعملت حاجة مختلفة بقدم شيء مختلف سواء (أفراح القبة) أو قبلها (الجماعة) وغيرها كل خطوة في حياتي فيها حاجة جديدة".

9- لقائي بفاتن حمامة كان حلم حياتي مضيفة، "لما وقفت قصاد الأستاذة فاتن كان بالنسبالي حلم حياتي .

10- أستاذة فاتن ندهتلي وقالتلي أنت بجحة، قلتلها طب ده حلو ولا وحش، قالتلي بجحة يعني عاملة الدور ببجاحة، برافو عليك."