EN
رصد برنامج "تفاصيل"، المُذاع على فضائية "صدى البلد 2"، تقديم الإعلامية "نهال طايل"، تفاصيل مأساة أسرة مع ابنها العاق، الذي هجر زوجته وأبناءه ويعتدي على والده ووالدته بالضرب لإرضاء زوجة عمه.
علقت "صابرين"، والدة الابن العاق الذي هجر زوجته وأبناءه ويعتدي على والده ووالدته بالضرب لإرضاء زوجة عمه، قائلة: "على قد قساوته بيوحشني.. ومرات عمه مش أم علشان تعمل فيا كدا، بتقول لازم أحرق قلبها عليه"، متابعة: "بقعد مع نفسي وأقول أنت جاحد يا أحمد أيه القساوة دي أنا عايزاهم يحسوا بيا، مش عارفة هما بيخربوا علينا عيشتنا ليه، عايزين نعرف أيه السر، أنا عايشة في نار وبصرخ، لأني مش عارفه أخده في حضني".
وأضافت: "لو اللي حصل معايا دا ابتلاء من ربنا فأنا صابرة.. وأحمد خلف ابن تاني ولحد دلوقني مشافهوش"، موضحة: "حصل مشكلة وخناقة كبيرة مع صحابه بسبب البانجو، وقولت لوالده وديه عند عمه علشان يبعد شوية عن البلد وعن صحابه، لكن أما راح هناك اتحرمنا منه، ومبقاش ييجي عندنا".
وأكملت: "كنت أما أكلمه أقوله تعالى قال لي مش هاجي، قال لي ابعتيلي مراتي بعتهاله قعدت يومين حملت في ابنها الصغير، ورجعت تاني، وبعدين أكلمه مش راضي ييجي عندنا نهائي.. لقينا فيه حاجات غريبة بتحصل، بقى بيبعد عننا، أكثر ومراته كانت بتولد كلمته مرضيش ييجي يشوف مراته".
