EN
قامت الإعلامية نهال طايل، بالإتصال على الهواء مباشرة بالأم التي استغاثت بها لرؤية أبنائها، وقامت بعمل مواجهة بينها وبين ابنتها، وقالت الأم لابنتها انتي وحشتيني يا سما لترد عليها الابنة انتى مش واحشانا ولو انتى واحشانا كنتى اتمسكتى بينا".
وأضافت الابنة خلال لقاء لها لبرنامج “تفاصيل” عبر فضائية “صدى البلد2”، تقديم الإعلامية نهال طايل، “انتى مش فاكرة لما رميتني على الدائري واتبليلتى ان هناك بلطجية جم ضربوكى وعندي التسجيل والفيديو اللى بيثبت الكلام ده”.
وانتى اللى رميتينا
وتابعت الابنة، ابويا مخدناش بالعافية وانتى اللى رميتينا وقولتى ان كتب كتابك بعد بكرة وانه ييجى ياخدنا".
الوالد مش ممانع
وأكدت الإعلامية نهال طايل للأم، أن الوالد مش ممانع انك تشوفي ولادك والموضوع بسيط كلمى باباهم انه يجبلك ولادك ومتخسريش ولادك ولا ينفع هما يخسروكي، لترد عليها الأم انا مش عارفة احمى نفسي منه واتجوزت 22 يوم رسمى وطليقي ضرب جوزى واتطلقت بسبب كدة".
