هاني شاكر: فراق الضنا صعب أوي.. وبعيط على دينا بنتي حتى الآن | فيديو

أكد النجم هاني شاكر، تأثره حتى الآن برحيل ابنته دينا، قائلا: "بعيط لما بتيجي سيرة دينا بنتي، وهي ماسابتنيش ولا فارقتني، أنا ولا نهلة مراتي، ولا فارقت أخواتها، والله بحس إنها عايشة معانا، وأبناءها بحس إنهم روحها، وربنا يرحمها".

وأضاف الفنان هاني شاكر، خلال حواره ببرنامج "حبر سري" مع الاعلامية أسما ابراهيم، على قناة القاهرة والناس، متأثرا خلال حديثه عن ابنته الراحلة: "السنين مش بتنسِّي، والفراق كوم، وفراق الضنا كوم تاني، ده وجع، وربنا ما يوريه لحد، وإحساس كأن جواك كله فِضِي"، مؤكدا أن وفاة الأبناء اختبار صعب من الله وربنا قدرني إنه أعطاني الصبر والقوة.

ووجه هاني شاكر رسالة الى ابنته متأثرا: "لو دينا أمامي الآن؛ هقولها وحشتيني جدا، ومفتقدك جدا، وعمرك ما غِيبتي عن بالي لحظة، وربنا يبارك في أولادك".