بسنت حاتم: وفاء عامر قالتلي أنتي شبهي أوي وحسيتك بنتي

تحدثت الفنانة بسنت حاتم عن دورها في مسلسل "بيت الشدة"،قائلة:" لما الأستاذة وفاء عامر شافتني، وقرينا مشهد مع بعض، قالتلي انتي شبهي أوي، أنا حسيتك خلاص بنتي، ولما رجعت البيت وحكيت لبابا وماما، قالولي انتي بتهزري، ولا بتتكلمي بجد" 

وأضافت بسنت حاتم أثناء استضافتها مع برنامج "صباح الورد" المذاع على فضائية "تن"، قائلة: "أول أسبوع تصوير كنت لازم أنزل كل يوم،كنت عايزة أتعرف على الناس، وأشوف الممثلين، وأشوف اللوكيشن عشان متخضش".

وتابعت:"أول مشهد عملته كان مع الأستاذة مها أحمد، كان في الصيدلية، كنت متوترة أوي، بس عملت المشهد، وكسرت  أول رهبة"

وأوضحت الفنانة بسنت حاتم،قائلة:" أنا كنت عارفة إلي بيحصل في اللوكيشن والتصوير، مكنش جديد، ممكن التحدي إلي كان بيحصل، لما بنزود مشاهد مش متحضر لها، بس علمتني أن بسرعة أحفظ، وبسرعة أظبط الأداء".