EN 
حلت الفنانة غادة رجب ضيفة على الإعلامي عمرو أديب في برنامج “الحكاية”، للحديث عن كواليس من حياتها الشخصية وآخر أعمالها الفنية وتجربة الأمومة.
غادة رجب: أنا مكرسة حياتي لـ بنتي وسعيدة جدا بالدور ده والأولوية ليها
وقالت غادة رجب، خلال حوارها بالبرنامج: “أنا مكرسة حياتي لبنتي وسعيدة جدا بالدور ده والأولوية ليها”، معقبة: "بنتي أهم حاجة في حياتي".
24 ساعة فاضية لبنتي
وتابعت غادة رجب: “بنتي عندها سنة ونصف وده سن مهم جدا ولازم وجود موجه جنبها بشكل مستمر”، مردفة: "أنا 24 ساعة فاضية لبنتي، وكده كده أنا بحب البيت".
وأكملت: “بنتي فيها شبه مني ومن أبوها”، متابعة: "غنيت لها أول يوم ولادة وبتعرف صوتي بسهولة".
غادة رجب: الأمومة بتاخد طبعًا.. بس أنا طول عمري بيتقالي إنتي مختفية
وأكملت: "الأمومة بتاخد الشخص يعني شوية وبتخلينا نقصر في الجانب الاجتماعي، ولكن أنا دايما بيتقال عليا مختفية".
غادة رجب تحكي مواقف مؤثرة لرجاء الجداوي ودلال عبد العزيز وميرفت آمين
وروت غادة مواقف مؤثرة عن الفنانة دلال عبد العزيز والفنانة ميرفت أمين ورجاء الجداوي، قائلة: "الفنانة الراحلة دلال عبد العزيز كانت بترقيني يوم فرحي، والأستاذة ميرفت أمين قالت لجوزي حطها في عينك".
وتابعت: "الناس دول ميتعوضوش، ومفيش كده بصراحة، التلات فنانات كانوا بيحضروا كل حفلاتي بالأوبرا ومواقفهم معايا كتيرة جدا".
غادة رجب: حسين الجسمي وكاظم الساهر تركيبة كاملة.. من معلمين المسرح ومفيش هفوة
وتحدثت عن رأيها في الفنان حسين الجسمي والفنان كاظم الساهر، قائلة: "دول معلمين المسرح، هما تركيبة كاملة ومعندهمش هفوة في شغلهم".
بطريقة تانية خالص.. غادة رجب تغني “ستو أنا” مع عمرو أديب.. فيديو
وغنت غادة رجب أغنية “ستو أنا” بطريقة خاصة مثلما تغنيها لابنتها في المنزل، متابعة: "لازم أغني لها عشان تاكل".
عمرو أديب يداعب غادة رجب: أكيد هتغلسي على بنتك عشان تسمعك انتي
وداعب عمرو أديب، غادة رجب خلال البرنامج، قائلا: “أكيد بتغلسي علي بنت وتقوليلها اسمعي أغاني أمك”، لترد قائلة: "لأ دى عاوزة تسمع الغزالة رايقة وستو أنا".
غادة رجب تحكي تفاصيل موقف مضحك مع بنتها الصغيرة وكلاب منة حسين فهمي
وروت غادة موقفا مضحكا مع ابنتها الصغيرة وكلاب منة حسين فهمي، قائلة: "لقيتها بتلعب مع الكلب وحاطة صوابعها في بؤ الكلب ومبقتش عارفة أعمل إيه، قعدت أضحك".
