EN 
أعلن الفنان تامر حسني عن إحيائه حفلا جديدا في الساحل الشمالي، يوم 2 سبتمبر المقبل، وذلك عبر حسابه على تطبيق انستجرام، وتراوحت أسعار التذاكر ما بين 800 و1500 جنيه.
تامر حسني وهنا الزاهد
يذكر أن الفنانة هنا الزاهد، وجهت رسالة للفنان تامر حسنى بعد عرض فيلم “بحبك” فى لندن وذلك بعد نجاحه فى مصر وتحقيقه إيرادات كبيرة.
وقالت الفنانة هنا الزاهد عبر حسابها الشخصي “ انستجرام ” الحمدلله يارب .. رقم يخض … مبروك يا تامر، انبسط بفيلمك لأنه أول إخراج ليك، تعبت جدا وربنا كرمك أوي، ومبروك لكل الكاست وكرو الفيلم اللي تعبوا جدا فيه".
وتابعت “ ربنا كرمنا جدا جدا، شكرا لكل الناس اللي بعتت لي من ساعة ما الفيلم نزل، لحد دلوقتي، وشكرا لكل ناقد كتب عني في الفيلم سعيدة جدا ومبسوطة إني كنت جزء من فيلم بحبك ”.
وقام الفنان تامر حسنى بالرد عليها من خلال خاصية ستورى قائلا “ انا مبسوط أكتر ليكى يا أجمل هنا ربنا يكرمك على قد تعبك و قلبك و كرمنا كلنا علشان اخلصنا و حبينا الخير لبعض .. وفرحان من كل قلبى علشان أول فيلم عربى يوصل للرقم كدة فى التاريخ هو من تأليفى قصة و سناريو وحوار وموسيقتى التصويرية و اخراجى كمان ”.
واستكمل كلامه “ فاكرة ياهنا كام حد قالنا مش هتقدروا تنجحوا و تامر مش هيعرف يعمل كل دا و ينجح أهو عرف بقى معلش … شكرا للملايين اللى شافوا الفيلم و شكرا لكل ابطال الفيلم شكرا لجميع جهات الانتاج والتوزيع اللى صدقتنى لما قولتلهم بعون الله هننجح بفيلم رومانسى … الحمدلله اللى بيطلع من القلب بيوصل للقلب”.
