الفلوس مش كل حاجة.. بهاء الدين محمد يحتفى بحصول ابنته على الدكتوراه

نشر الشاعر بهاء الدين محمد، تعليقا عبر صفحته على موقع التواصل الاجتماعى فيسبوك يعلن فيه عن حصول ابنته على الدكتوراه.

وقال بهاء الدين محمد : "البنت دي اسمها الدكتورة  شهد بهاء الدين محمد، تخرجت فى الجامعة الأمريكية بتفوق ولخصت الأربع سنين ف تلاته علشان عندها إرادة وحلم وتخصصها كان صعب ( بايولوجى )، وكانت لازم تكمل المهمة لأنها بنت وهبت نفسها أو وهبها ربنا للعلم وكان لازم تعمل دكتوراه فى إنجلترا".

وأضاف بهاء الدين محمد : "وكانت أصعب تجربة بالنسبالى لأنى شاعر وبشتغل بمزاجى ومش مع أى حد ومش من هواة تحويش الفلوس والإدخار والحاجات دى.. يعنى مهمتي أصعب وأخطر لأنها ف غربة وحواليا الكورونا شلت حركة الحياة".

واوضح بهاء الدين محمد : "وفي يوم ح أبقى أحكيلكم باختصار كم المعاناة اللي عيشتها وشوفتها خلال أربع سنين وأكتر وكانت تجربة ممكن تقضى على حياة وأعصاب أي إنسان.. وتمت وحصلت على الدكتوراه الحمد لله".

كما قال بهاء الدين محمد موجها رسالة الى جمهوره : "بس مهم تاخدوا فكرة علشان تعرفوا إن الفلوس مش كل حاجه، فى حاجات كتير ف الدنيا أهم وعلشان كمان أقولكم على قد ماتقدروا علموا ولادكم مهما كان التمن، الفلوس بتموت وبتخلص بس العِلم باقي إلى نهاية الحياة دي مش شعارات ولا منظره.. دى الحقيقة، أوعى تحقق حلمك وبس، بحكى بعد ماتمت المهمة وقاعد بستوعب وبسترجع كل الأحداث"