EN 
قال الفنان باسم سمرة: "حببت تجسيدي لدوري المشير عبد الحكيم عامر في مسلسل "صديق العمر" لأنه متعملش، وكان دايمًا يتعمل في الدراما والسينما بشكل مهمش".
وأضاف خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "عملت دورًا في مسلسل صديق العمر يليق بعبد الحكيم عامر والراجل البطل ده أنا بحبه".
وتابع: "تجسيدي لشخصية عبد الحكيم عامر تطلب منِّي دراسة وقراءة بشكل كبير وقرأت ما كُتب عنه بالسلب والإيجاب، ونفذت بناءً على رؤية المخرج وقدرت أني أنصف الراجل ده، واستحالة حد يشيل نكسة 1967 لوحده، هو كان راجل جميل وعنده صفات عظيمة وأقاربه وأولاده أساتذة وناس محترمة جدا وعلاقتي بهم كويسة".
كما قال: "أسرة الرئيس الراحل جمال عبد الناصر زعلوا منِّي بسبب تجسيدي لشخصية عبد الحكيم عامر، خاصة الدكتورة هدى عبد الناصر اللي كانت زعلانة منِّي".
ولفت: “كل القادة اللي كانوا موجودين وقت النكسة يتحمِّلوا المسئولية، ومينفعش واحد يروح كبش فداء والخسارة الكل بيتحملها”.
كما تحدث الفنان باسم سمرة، عن حياته الشخصية، قائلا: “أنا زوج عملي ومش رومانسي خالص، وبحب أحافظ على البيت وبحب كل حاجة تبقى مترتبة”.
واسترسل “باسم سمرة” خلال حواره ببرنامج واحد من الناس، المذاع على قناة الحياة،: قبل ما أتجوز كنت راجل مقطع السمكة وديلها، بس دلوقتي لا كبرنا وبقى عندنا عرايس".
ووجه الإعلامي عمرو الليثي سؤالا لباسم سمرة، قائلا:" مين كلمته بتمشي في البيت"، ليبادرة باسم سمرة مازحا:"في أي يا حج عمرو كلمتي انا طبعا اللي بتمشي".
أضاف: "بحب بناتي وهما بيحبوا الحيوانات جدا والخيل والزراعة والرسم والرحلات.. وأنا مش مودرن، ولو شايف الحاجة صح هعملها، وعمري ما اتضربت من أبويا لأنه كان بيحبني".
