EN 
«دفنو جوزي وهو حي، دفنوه في المقابر مع الموتى، واستولوا منه على الميكروباص و 37 ألف جنيه»،بتلك الكلمات بدأت زوجة محمود «سائق الميكروباص»الذي تم الإعتداء عليه من 3 أشقاء في منطقة القناطر بالقليوبية حديثها.
المقابر وحكاية الـ 3 ساعات
تقول الزوجة :« جوزي كان طالع ياكل عيش على بعربية، وأثناء مروره عند نزلة الوراق حضروا مجموعة من الأشخاص وقاموا بفتح باب العربية واجبروا زوجي على القيادة والذهاب بهم إلى منطقة القليوبية وتحديداً في مقابر قليوب،وبعدها أجبروه على النزول من السيارة بعدما قاموا بضربة على وجهه بآلة حادة، فضلاً عن ضربة على رأسه».
وضعوه داخل المقابر حياً
وأضافت،« لم يكتفوا المتهمين، من ضرب زوجي وقاموا بوضعه داخل المقابر حياً مع الموتى، لمدة ما يقرب من 3 ساعات،"وخلال ذلك قال أحد المتهمين لزوجي"ايه عاجبك النوم عندك ولا نموتك خالص"، وبعدها قاموا بإخراجه من المقابر واصطحابه إلى مكان مهجور و أجبروه على الإمضاء على إيصالات أمانة واستولوا على العربية الميكروباص وتركوه».
وتابعت،« المتهمين بعدها هددوا جوزي و قالوله لو هتروح القسم هنموتك ونريحك من الدنيا كلها وعيالك تتيتم بسببك، وبعدما حضر زوجي من مكان اختطافه، كانت حالته يرثى له، هرولت به مسرعاً إلى النيابة العامة، ولكن حرس النيابة أخبرنا أننا نتوجه إلى قسم الشرطة، لتحرير محضر، وخلالها وجدنا رئيس المباحث والمأمور داخل النيابة، وعندما سمعوا شكوانا توجهنا بصحبتهم إلى قسم الشرطة وتم تحرير محضر داخل القسم، وبعدها نجحت الأجهزة الأمنية في إعادة السيارة وتم القبض على المتهمين.
وأضافت الزوجة،«جوزي كان معاه 27 ألف جنية في العربية، كان رايح يدفع أقساط العربية اللي متأخر ليه 3 شهور، والمتهمين استولوا على الفلوس كلها ولحد دلوقتي مرجعتش، والبيت مفهوش فلوس خالص دلوقتي وجوزي قاعد في البيت بدون شغل ومش قادر يتحرك من السرير ونفسيته تعبانه من اللي شافه».
أنهت الزوجة حديثها لـ «صدى البلد»،« حسبي الله ونعم الوكيل في اللي عمل كده في جوزى و دفنوه حي داخل المقابر، جوزي باليل بيقعد يرتعش من اللي حصل».
