السيسي:هندفع 40 تريليون جنيه حتى 2052 بسبب سحب أموال المعاشات من سنين

قال الرئيس عبدالفتاح السيسي "حد يقولي المعاشات زودوها شوية، الـ 400 مليار هدفعهم أنا 40 تريليون جنيه لغاية 2052، لإجراء اتعمل ساعتها، المعاشات دي اتعملت على دراسات، واشتراكات بتتاخد بشكل معين".

وأضاف السيسي خلال كلمته في الجلسة الختامية لـللمؤتمر الاقتصادي مصر 2022، قائلاً:" يعني الـ 400  اللي اتاخدوا لو قعدوا زي ما هم في البنوك، من مدة ما اتاخدوا لغاية ما خدنا القرار، اللي بيقول ما تزودهم بقى ده راجل اقتصادي"

وتابع:" أنت بتتكلم بفهم وعلم ومسئولية وأمانة ولا إيه؟.. لو أنا مش عارف شغلي معرفش أقف الوقفة دي".