زوج للقاضي: دي تسجيلات زوجتي مين بقى المفروض يدفع؟!

فوجئ زوج بمحضر من  المحكمة يسلمه إعلان دعوى نفقة زوجية أقامتها زوجته ضده أمام محكمة أسرة طنطا، كان الاستغراب أكثر ما ساد تعبيرات وجه الزوج، فهو الوحيد الذى يعلم السبب فى مكوث زوجته عند أهلها وعدم عودتها إليه  منذ أشهر، فقد أمسكها من  يدها وأوصلها إلى بيت أهلها، وطلب منها المكوث هناك إلى حين اتخاذ قرار بشأن علاقتهما معا.

تواصل الزوج مع محاميه، وبدأ يقص له الحكاية من بدايتها لنهايتها، وقدم المستندات التى بحوزته والتى تدين زوجته.

وفى أول جلسة لنظر الدعوى أخذ الزوج يسرد للقاضى ردوده  على دعوى النفقة  المقامة من زوجية. 

قال الزوج سامح .م  "سيادة القاضى،  فى أمور مكنتش حابب يكون مكانها المحاكم.. لكن بما إن النزاع وصل إلى هنا، وبقيت متهم بضربها وسرقة دهبها ودلوقتى مطالب بدفع نفقة لها وإعطائها القايمة.. أنا حاتكلم، وأطلب من حضرتك تدينى الوقت". 

وتابع الزوج "فى  فترة الخطوبة الشك دخل قلبي منها.. تفاصيل كانت بتحصل مثل انتظار  على الهاتف لوقت كبير وبصفة مستمرة.. ولقيت أكونت فى  الفيس معلقلها علي منشور قديم والأكونت باسم واحد صاحبي أعرفه وهو يعرفني، لحد لما الشك دخل قلبى خلاص وقررت  أتأكد إن هي بتكلم حد ولا لا".

وأضاف الزوج “مرضتش أواجهها بموضوع الأكونت ده إلا لما أكون متأكد.. جبتلها خط جديد غير الخط اللي معاها والخط باسمي ونزلت برنامج على تليفوني أعرف من خلاله أرقام المكالمات اللي بيتم منها أو ليها.. بعدها ببحث بالصدفة لقيت رقم واحد صاحبي نفس الشخص اللي كان معلقلها على  بوست  مكلماه حوالي ربع ساعة وكان ده الساعة ٢ بليل ومكالمات تانية كتير..  طبعا أنا كده أتأكدت إنها على علاقة بالشخص ده".

وتابع   "فضلت أسبوع أفكر أعمل إيه لحد لما قررت أني أواجهها وبالضغط عليها اعترفتلي وفضلت تعيط وتقولي اقسم بالله مفيش  حاجة بنا وإحنا أصحاب مش أكتر..  سبتها سيادة القاضى وقلعت الدبلة وقولتلها عاوز دهبي بأي شكل علشان معرفش أهلك قوليلهم مش عوزاه أي حاجة المهم حاجتي تيجي،..  فضلت يوم ورا يوم كلام وعياط وهتظلمني لحد لما جمعنا مكان ودخلت اتوضيت وحلفتلي على المصحف إن مفيش بينهم حاجة وإن كان كله كلام وخلاص وإن هي عوزاني وبتحبني وأن الغلطة دي عمرها ما هتتكرر تاني". 

تسجيلات مع زميلى 

وأشار "سامحت  لوجه الله وبعد حوالي ١٠شهور اتجوزنا، وبعد جوازي بأسبوع اكتشفت تسجيلات بينها وبين الشخص ده ومضمون التسجيلات إن حصل  بينهم حاجات كتير بس طبعا قبل الجواز لما واجهتها قولتلها أي ده اعترفت وفضلت تعيط وطلبت انى أسامحها".  

واستطرد الزوج: مقدرتش أكمل طلبت منها تروح لأهلها وبعدها ننفصل.. لكن لقيتهم بعد أسبوعين رافعين تبديد عفش جنحة ونفقة متعة ومؤخر.. وطالبين الذهب والقايمة.. وحاجات كتيرة جدا". 

وقال الزوج "سيادة القاضى دى التسجيلات اللى بين زوجتى وزميلى وده محضر النيابة بخصوصهم.. وحضرتك تقرر مين اللى مفروض يدفع، أنا كان فى نيتى أطلق، لكن بعد اللى عملوه ..مش حاسامح ..وبطالب حقى ..ورفض دعواهم“.

ليقرر القاضى تأجيل الفصل فى الدعوى.