المجرم قطع له 4 شرايين في رقبته|القصة الكاملة لإنهاء حياة صبي شبرا

 مشفتش ابني ده غير بعد 13 سنة مكنتش بخلف المجرم قطع 4 شرايين في رقبته حرمني منه حسبي الله ونعم الوكيل.. كانت هذه بداية حديث والدة المجني عليه “خالد” الذي لم يتجاوز عمره العشرين عاما، بعدما أنهى صديقه حياته إثر خلافات بينهما على 20 جنيها تكلفة لعبة “البلاي ستيشن” بمنطقة شبرا.

بعد قليل| بدء محاكمة المتهم بدهس نجل الإعلامية رضوى العوضى

التصريح بدفن جثة ربة منزل ألقت نفسها من الطابق الخامس بحدائق القبة

تفاصيل الواقعة

تفاصيل واقعة إنهاء حياة طفل شبرا.. البداية كانت عندما ذهب “خالد” الطفل المجني عليه هو وصديقه المتهم إلى محل “بلاي ستيشن” للعب، واتفقا أن الهزوم هو الذي يحاسب على  تكلفة اللعب.

وقالت أم خالد، المجني عليه، ابني هو اللي كسب وهزم صديقة في اللعبة ، فقال للمتهم "أحمد" ادفع لـ20 جنية انا اللي كسبت وقتها حصل الخلاف بينهم و انتهى على أن المتهم هو الذي دفع ثمن اللعب ، وفضلوا مبيكلموش بعض 10 أيام.

جريمة في أوضة النوم| اعتراف جريء من قاتل زوجته قبل العلاقة الحميمية

بعد قليل بدء جلسة استئناف التحفظ على أموال البلوجر هدير عاطف

أنهوا حياته عند الجراش 

وتابعت الام، ابني خرج يشتري حاجة من بقال بعدنا بـ شارعين بعت له اتنين شافوا واقف عند البقال وكانو لابسين قبعات والوقت كان متأخر والنور في المنطقة دي مش كويس بعد كدة أخذوا خالد عند الجراش اللي بيقعد فيه القاتل، 5 دقائق بس  الصريخ اشتغل وقتها راح مني، ولقيت ولد صغير بيعيط وبيقولي أحمد قتل خالد علي الطريق.

وأضافت الأم، نزلت اجري لقيته خالد ابني  مرمي علي الارض اخدناه وجرينا على المستشفى وقتها كان فاقد الوعي تماما، وهناك في المستشفى قالولنا ان في 4 شرايين في رقبته مقطوعين وقطع في ايدة بعدها مطولش وتوفي علي طول.

أنهت الام حديثها لـ صدى البلد قائلة،:"حسبي الله ونعم الوكيل، أنا عايزة حق ابني اللي راح امام عيني.