EN
رحباب أبو رجيلة يحلل فوز الزمالك على الطلائع بسداسية
دخل رحاب ابو رجيلة عضو مجلس إدارة الزمالك ونجل محمود ابورجيلة احد رموز كرة القدم فى القلعة البيضاء مجال التحليل الفنى من خلال تحليله لفوز الفريق الابيض الكاسح على طلائع الجيش امس بـ6 اهداف مقابل هدف فى الجولة الثانية للدورى .
وكتب رحاب ابورجيله على صفحته الرسمية على موقع التواصل الاجتماعى "فيس بوك" تحليلا فنيا للفوز التاريخى للزمالك على الطلائع متحدثا عن النقاط الايجابية الكثيرة من الناحية الفنية بخلاف الفوز العريض.
وقال رحاب عبر صفحته الرسمية على الفيس بوك: على رأى حبيبنا. ..خلينا نتكلم كفنيين شوية...فى حاجات حلوه كتير النهاردة غير المكسب أولها التأكد على ارتفاع مستوى الشناوى وكوفى وعلى جبر وإبراهيم صلاح وحفنى وشافى.
وذكر او رجيله ان المكسب الثانى من الفوز على الطلائع هو بداية دخول معروف يوسف ومؤمن زكريا فى الفورمه وان المكسب الثالث هو الجمل كتير اتعملت النهاردة منها لعبة الكورنر وهدف شافى وهدف مؤمن الأخير ورابعا لأول مره من فتره طويله خط النص بيكمل وراء الفراوده وخط الدفاع مش نايم فى 18 وعامل جاب كبير بينه وبين خط النص وبالتالى ضاغط على الخصم فى نص ملعبه باستمرار.
وأضاف عضو مجلس ادارة الزمالك قائلا : كمان انتشارنا كان كويس جدا ويسمح لينا بالضغط بأكثر من لاعب ودى ميزه افتقدنها من فتره وأعتقد أن احنا محتاجين فقط يبقى فيه سرعة فى التحول الهجومى هتفرق معانا جدا ..وأخيرا مبروك لكل الزملكاوية واتمنى من الله تعالى أن تكون فاتحة خير وتستمر فى الانتصارات .
